TDM葡文新聞部疑被收窄新聞自由事件簿即時報道

9條指引是否存在?澳廣視須釐清 新聞工作者籲政府兼聽則明

TDM葡文新聞部疑被收窄新聞自由事件簿即時報道

文:記者西西子

時間:2021年03月26日 1:01

澳廣視執委會被指早前向其葡文新聞部發出9條指引,疑收窄葡文新聞部新聞自由。新聞工作者陳偉智認為,澳廣視執委會需及早向公眾釐清是否存在這9條指引,又指「開明」的政府應允許不同聲音的存在,而非只允許傳媒報喜不報憂。至於事件會否令傳媒自我審查、束縛更多,陳偉智則表示同行需堅守新聞工作原則,迎接考驗。

陳偉智

對於澳廣視先後兩次發聲明回應事件,重申現行編採方針維持不變,曾為立法會直選議員的陳偉智道「聽其言,觀其行」。他表示,既然澳廣視官方發表這樣的聲明,就應該為其所言負責及承擔。「會唔會落實或實踐返佢所講嘅說話,呢個相對來講比較重要。」他又指出,傳媒報道澳廣視葡文新聞部被其執委會發出9條指引,若真有此事則並非傳媒界及公眾所樂見的,但相關指引從未公示。「是否需要釐清有冇呢9點嘅存在?為釋公眾嘅疑慮增加有關嘅透明度,有關方面都係需要向外澄清一下嘅。有就有,冇就係冇。唔好令到呢啲咁嘅說話使外間產生不必要嘅推測,引起一啲不必要嘅想法。」

外文媒體少「帽子」負擔 較暢所欲言
他形容外文傳媒較中文傳媒少些「帽子」負擔。「本身係外國人,愛國主義、民族主義呢啲帽子係唔適用嘅,亦唔需要用呢啲帽子,都唔需要有呢個掛慮㗎嘛,所以佢哋能夠比較暢所欲言去睇問題。」而作為一個「開明」的政府,應允許不同聲音的存在。他以近期引起熱議的電子消費優惠為例,「如果傳媒方面全部都話盲目咁樣支持政府嘅話,全部都話好嘅話,可能唔係幫咗政府,係害咗政府……其實正正係透過呢啲(報道),反映到政府喺政策推行過程當中,係有啲不足或者疏漏嘅地方。」

他續稱,若新聞界只報喜不報憂對政府有效施政絕非好事。「如果新聞界被不幸地閹割或者係被屏蔽咗,只係報喜唔報憂,唔係客觀報導嘅係側重性報導嘅,其實係好容易令政府政策出現偏差。作為一個開明嘅政府其實係唔會樂於見到呢個情況出現。」

香港社會事件影響澳門新聞自由?
有意見認為,澳廣視葡文新聞部乃至澳門新聞界自由一再被收窄,或與近年香港的社會事件有關。陳偉智認為,港澳為兩個不同區情的特區,難以一概而論。但香港的社會事件更顯得澳門社會的和諧、傳媒的多元是「來之不易、難能可貴」,需要珍惜和維護,「唔希望用一啲手段激化到社會上嘅矛盾,或者對新聞媒體構成任何嘅衝擊甚至打擊。呢啲都係香港過去幾年發現的問題所在。」

事件不斷發酵,甚至已有記者請辭,會否令傳媒界人人自危,更多自我審查和束縛?陳偉智稱,「好似山雨欲來,好似會有一個新聞界的海嘯湧過嚟,都係未經證實嘅訊息嚟嘅。我覺得新聞工作者應該作為防波堤,守住堤岸,迎接任何嘅衝擊同考驗。而家流傳嘅係空穴來風,無需要自己杯弓蛇影啦。如果萬一不幸真係出現,(有)一啲所謂極端嘅干預行為,更加係考驗新聞工作者堅貞同埋操守嘅時刻,咁我覺得大家準備好就OK。」

 

相關報道:https://bit.ly/3cm2aqj
X
請支持論盡走下去!新聞自由是靠全民來維護的。