逸園賽狗公司須於明年7月21日前遷離原址，有動保團體提出希望能接管狗場 1年安頓格力犬。逸園賽狗公司執行董事梁安琪受訪時說︰「我唔知咩團體，要搵人去接管，咁不如我哋自己去接管，我唔洗搵人籌款去接管我哋狗掛？」她說，現時狗會約有600隻格力犬，狗會一直有與狗主溝通，有地方和方向安置格力犬，即使政府不協助安頓格力犬，狗會亦會處理，請社會絕對放心，不要相信謠言。
她說，格力犬是很好的狗，「格力狗一出世就要跑，等於有啲人一出世就食飯，有啲人一出世就食粥一樣。」又指，格力犬是「狗王」，「係一種為人民服務的狗」，但某些動保團體別有用心，「點解咁多人想攞格力狗，佢哋有咩心態呢？唔係為咗保護狗，我今日好大膽講一句，某啲團體唔係為咗保護格力狗！」
梁安琪又表示，手上沒有資料，因此無法交代狗會有多少格力犬被人道毀滅。但民署人道毀滅的狗不全是狗會的狗，狗會亦不會自行將格力犬人道毀滅，需經過民署檢視，「隻狗係有咩事發生先去人道毀滅，唔係我話人道毀滅就人道毀滅，對於我嚟講，曱甴都唔好毀滅！」
