不方便出鏡的陳同學在離開集會現場後仍未除下「撐新聞自由」的貼紙。
澳廣視（TDM）近期爆出涉嫌整肅葡文新聞部的醜聞，新澳門學社今日下午4時於澳門視對面行人道位置發起「撐澳門新聞自由」集會，約有30人參加，高一的陳同學是其中一員。她表示，新聞自由真是很重要，應該支持。「如果沒有新聞沒有自由，基層市民的聲音點樣可以（如實）向上傳遞呢?」又指，自己始終是澳門人，關心澳門社會以及未來。
去年的六四集會是陳同學第一次參與集會，今天是第二次參加集會。她表示香港的「反送中」事件及一連串相關的社會運動使自己開始留意時事，並開始思考香港面對的政治問題會否在澳門出現以及其後果，「其實係好大件事，只不過喺澳門，大家都唔去留意佢。」
小時的澳門暢所欲言 今日驚變成香港
陳同學又指，看到由去年到現在澳門自由表達意見空間似日益收窄，而且程度使人擔心。「其實（現況）是使人擔心，我覺得香港同澳門一水之隔，始終對中國嚟講，大家（澳門及香港）嘅地位是類似，澳門暫時大家聽話，所以（中國）唔去理住先。」
「我細細個時候，講時事屋企人就話唔驚，我越大，佢哋（父母）見到香港咁樣，分分鐘被『消失』『被呢樣』『被嗰樣』，好驚澳門唔會唔變成香港咁，會叫我哋唔好講啦、唔好講啦！其實係會擔心呢樣嘢囉。」
陳同學表示，新聞自由很重要，可確保各階層的意見如實地被反映、讓執政者知道問題癥結。「（即使）古代君王都會向臣子納諫，如果不納諫點知自己有何問題癥結呢？新聞自由好重要，好似飲管咁，要疏通佢，若中間打結如何可以向上吸呢？」
學校、家庭視政治討論如「蛇蠍」
問及目前是否有足夠的渠道讓學生表達自己對社會時事的看法時，陳同學坦言很少，「接收的時事渠道都少，學校又唔講，家人亦唔希望小朋友惹事上身，朋友之間亦很少講，大家都唔知發生緊咩事，可以講（政治）嘅地方真係冇囉。」
她又指，學校不准學生在校內講政治，讓學生對時事更加抗拒，或因怕涉及政治事件，陳同學表示原本有的通識科亦在去年被學校取消。「我哋學校之前有通識科，但係去年都cancel咗。本身通識科已很少講時事，會講很多環保咁，好OK嘅，而家連通識都冇。喺一間學校內，除咗課本嘅知識，仲可以學到咩呢？」
