【市民來信】不滿當局在8號風球除下即要求「高頻」人士檢測 造成人流聚集增加風險

來論

文:一名市民

時間:2021年10月10日 16:16

有市民今(10)早向本報反映,鏡湖醫院在安排黃碼區居民、「高頻」人士及市民普通檢測方面混亂,不少侯檢人士在滂沱大雨下在室外等足一個小時。該市民又批評政府完全沒有考慮8號颱風除下即要求「高頻」人士檢測這一舉措會影響普通市民的檢測安排,造成人流聚集,增加風險。

而新型冠狀病毒感染應變協調中心(下稱:應變協調中心)於今早7:30公佈,在8號風球除下後黃碼區居民定期核酸檢測安排。 應變協調中心表示,鏡湖醫院、工人體育場及路環居民大會堂設核檢專站供黃碼區居民使用。而黃碼區人士須定期接受核檢,頻率定為在第1、2、3、5、8、11、14天進行檢測;若黃碼區的人士連續兩次沒有在上述特定期間接受核檢,其健康碼將會轉為紅碼,並需接受強制隔離。

訂閱每月紙本

市民來信如下:

「我陪有新(身)孕的太太早上九時去鏡湖做核酸,因為太太公職人員又有咗唔方便打針,本來約咗星期六去做嘅但因為打風改為今天去,點諗到去到鏡湖安排混亂,高頻同普通預約混在一起,冇足夠指示都冇安排,滂沱大雨下在室外等足一個鐘,場面非常混亂,好多人鼓燥。」

「政府完全冇考慮吓打完風次日即刻安排啲高頻去做核酸影響普通市民嘅安排,造成更多人流聚集,增加風險,我個人對政府嘅安排10分不滿,而且對啲外傭都好唔公平,現場亦都冇外語指示亦冇協助,好多外傭唔識排隊就俾人鬧,經過呢幾次政府嘅安排,外勞直情變咗外奴🤬🤬🤬,對一啲有特殊需要嘅市民亦冇好好安排,天怒人怨。」

ad