復康委員批衛生局忽視特殊人群所需 要有需要視障人士新年期間到差館印碼?

即時報道

文:論盡採訪組

時間:2022年01月25日 21:21

當局強推「各種碼」,漠視特殊人群需要

當局早前強制出入公共地方必須掃行程碼,但遭不少人質疑該措施法理依據。措施實行令到不少長者處處碰壁,寧願少出街。然而,該措施不但使不少長者造不便,對視障人士尤其是不懂用電話的視障長者更是雪上加霜。

仁慈堂澳門盲人重建中心心理輔導員及活動協調員梁嘉俊直批衛生局的防疫措施完全沒有考慮到特殊人群需要,任由這些群體自行尋找解決方法去跟從防疫指引。又指,以視障人士為例,尤其無手機、要靠機構去整碼的視障長者,一到公眾假期更是寸步難行,而即將到來的新年假期對這些視障人士特別困難。「若喺年初一二三,佢哋需要去任何地方、任何餐廳、若唔具備呢個(健康)碼就會有很困難,可以去得邊呢?24小時年中無休嘅就只有差館,但係有啲人嘅傳統習俗,新年去差館唔吉利,我諗若政府硬推、硬執行(行程碼)呢,對佢哋嚟講係極大困難及問題。」

訂閱每月紙本

身兼復康事務委員會委員梁嘉俊又批評衛生局以防疫之名「大晒」,「(防疫措施)只係睇到衛生局嘅霸權,以防控疫情為由,係可以無限地、唔顧及任何人嘅感受去推任何措施」。又稱,一些防疫措施公佈後亦沒有見到當局聽取反映意見作改善,「出咗嚟亦唔畀你有任何嘅話語、唔畀你有任何嘅說話。總之就係防控大晒,防控就係唔理你有冇辦法,搞唔掂就叫你搵人幫。」

仁慈堂澳門盲人重建中心心理輔導員及活動協調員梁嘉俊身兼復康事務委員會委員

視障長者不懂用手機 中心一放假就如禁足

自從當局推行健康碼以來,不少有需要的視障人士就經常到梁嘉俊工作的中心要求協助生成健康碼。梁嘉俊表示,通常這些長者都又沒有電話,所以他們會到就近或熟悉的地方打印健康碼。「佢哋唔知或邊度會要求要有健康碼或行程碼,所以佢哋需要知道佢地就近、識去嘅地方係可以幫佢哋做碼。」

他又指,為了遷就中心的辦公時間,這些視障人士通常不會安排自己早上9時前去任何地方。「機構(中心)星期一至五,8點半開門,佢哋約人唔可以早過九點,可能有啲地方無碼唔入得,所以有時去驗血或要去公共地方就好驚無碼唔入得,生活上受到很多制肘」。

梁嘉俊續稱,由於健康碼只得一日時效,這些人士翌日則需到中心再印。「但一到星期日,很多提供協助部門或機構唔開門,佢哋就要諗住星期六要唔要買定啲餸或做定所有準備,若唔係,星期日就好多地方都去唔到」。

視障人士要求協助生成健康碼

已無私隱概念 只想有碼

當不少市民關注健康碼或造成私隱問題,但對這些有需要的視障人士來講,如何更便利生成碼似乎更為重要。梁嘉俊則認為,對這人士來講只要可以出到碼,任何方式都可接受。「其實佢哋已經無私隱嘅概念,佢哋只係諗任何拍卡、任何形式可以俾佢哋做到記錄,佢哋都已經接受」。

他又指,政府對這些人士所受的困擾亦未見有實際回應,「係無乜聽佢哋心聲,只係話你哋就去搵機構或政府部門或差館去做(碼)。」

對於即將來到三日新年假,梁嘉俊擔心屆時這些視障人士想出行或更難,絕大部分部門及機構亦會放假,或只好無奈地去警察局印碼。即使有些視障人士覺得新年去警察局不太吉利,但為了可以印碼亦只能去。