澳門公共巴士亦貼上「教主」(盧瀚霆)新歌《Megahit》應援廣告，此為Anson Lo盧瀚霆國際後援會全球應援其中一站。
MIRROR一團在2018年初出道時並不被外界看好，甚至被諷刺是韓團「老翻」。不過在今年，這個組合突然「爆紅」，12名成員的臉出現在各大商場、廣告牌，甚至交通工具，各種粉絲應援五花八門，並很快地佔領了城市的大街小巷，甚至乎出現「姜濤灣」、「教主碼頭」；而在這股MIRROR熱潮席捲全港的同時，澳門亦似乎開始被「焫著」。
然而，據現時香港社會的種種跡象表示，MIRROR的異軍突起似乎或與一部分香港人對香港本土文化的情感有關，「其實香港人好擔心一種會失去自己既有的，無論喺社會、文化、政治上嗰種嘅身份，一種曾經覺得有一啲嘢係屬於自己嘅，好似有種唔安心嘅狀況」，香港恆生大學社會科學系講師陳嘉銘認為這是MIRROR爆紅的主要原因。
從全民造星到全民追星 MIRROR成為本土文化象徵
香港恆生大學社會科學系講師陳嘉銘接受本媒訪問。（相片：陳嘉銘）
不可否認地，在經歷2019年香港經歷反修例運動以及自去年至今影響著香港市民的疫情之後，香港發生了極大的變化。陳嘉銘表示，在經歷這些事情之後，大部分人香港人都難免會產生這樣一種「失落感」：擔心失去既有的東西，對自己的身份亦感不安；而且早在香港回歸後，香港人就產生出一個隱憂：「本土嘅、自己擁有嘅一啲本來好色彩斑斕、好有自由空間嘅想象，慢慢會消失」。
「咁啱得咁巧呢，因為ViuTV，因為MIRROR而畀人覺得香港有屬於自己嘅電視、電視台節目，以至可以制造到香港本土明星」，陳嘉銘認為ViuTV和MIRROR出現，在此時給失落的港人帶來了不一樣的可能。
由澳門本地MIRROR後援會舉辦的MIRROR3週年展覽。
同時，他指出MIRROR的粉絲年齡層跨度大，自己亦曾接觸過60歲以上的「鏡粉」。而且不同年齡層FANS對MIRROR感受有所不同，以二十、三十歲的FANS為例，這年齡的人最「肉緊」香港，最希望要挽留屬於香港的東西；而四、五十歲的FANS，鐘意MIRROR則有可能讓他/她回想以前十來廿歲追四大天王甚至譚詠麟、張國榮的時期。「原來係有種懷舊情緒出翻嚟，大家回溯或者追想自己以前。一來會係希望可以肯定返香港本土文化，二來都係安慰自己。依家覺得唔滿意嘅現況就要透過過去嘅嘢去滿足自己。」
流行文化由始至終都係一個充權的地盤
陳嘉銘認為，正因上述的原因，部分香港人間接地利用了流行文化產品，無論人物、歌或者電視作品，「都係攞咗呢啲作品嚟到充權。其實流行文化從來都係一個，畀人哋能夠充權嘅一個地盤，即英文的site of resistance，一個充權嘅地盤。」又指，這種現象早在殖民地時期已經存在。
至於MIRROR在澳門亦愈來愈多有FANS的原因，他就認為，一來或可能是簡單消費流行文化，「見到靚仔、見到佢哋啲歌好犀利、啲舞好犀利，純粹出於一種偶像崇拜心態」。至於會否是與香港一樣，出於對社會感失落而去擁抱MIRROR這一種本土流行文化，一種能夠令自己充權的產品？陳嘉銘則表示，未有解讀出澳門的狀況，未知澳門是否亦有相同的原因，抑或者是一種投射。
應援文化盛行 粉絲主動性和參與度不斷提高
隨著日韓「應援文化」在港、澳風行，現時每一個FANS的參與度比過往的高。陳嘉銘稱，八、九十年代追星行為如在街上等、送花，這些行為比較簡單、相對被動，而現時各種各樣廣告牌、送餐車等等的應援，讓FANS變得更加主動。「（以前）你偶像喺邊度出現你就追到邊度，而家你係唔需要個偶像出現，你就已經做緊好多活動支持你嘅偶像。嗰種嘅作為FANS，我會叫這為個體或者一個人的能動性」。
在經歷2019年後種種的社會變化，好多香港人愈來愈覺得被動、或者產生無力感，「但能夠透過呢件事展示你嘅能力，甚至能量，你積極參與、正面地做嘅一件事；呢個喺日常生活越來越少見，所以就更加鼓勵到人大家敢去自己做咯，我諗呢個就係咁嘅原因」。他更指出，雖然這種應援文化與韓國有類似的處境，但韓國的情況卻演釋不了香港應援文化背後的故事。
偶像同FANS「講金唔講心」？陳：「商業運作娛樂」世界下的消費行為 難分對錯
早前有報道指，MIRROR數名成員將在本年12月舉辦演唱會，若想到後台見偶像一面則要至少購物花費二十萬，該則消息一出即遭到大量非議，不少「鏡粉」也鬧爆，並引發對於偶像同FANS的關係的討論：難道只能停在「講金唔講心」層面？
有「鏡粉」到商店挑選偶像代言的衣服。
對於這場表演的所有門票不設公開發售，門票「先消費，後換飛」的機制，他表示：「（若真如是）一定會篩選一啲人……唔係每個FANS可以咁樣消費，咁你點樣對可以對得住咁多嘅，相對階層低啲嘅FANS？」
而對於支持偶像應否花費？陳嘉銘就用飲食消費對花錢支持偶像與作比喻，指該問題機乎等於問：「我哋食飯一定要花費係啱定唔啱呢？好難去答你食飯花費係有問題」。他認為兩者其實是相似的，「飲食都可以好高消費、可以好低消費，似乎你個人究竟願出咩乜嘢價去買你嘅嘢食；咁你負擔唔起，你可以唔去做這消費行為。」
由MIRROR成員代言的產品海報引途人駐足觀看。
此外，陳嘉銘補充道，偶像沒有社會公義這責任，為偶像消費難有對錯之分，這是個人的選擇。「即係FANS自己出錢，你有多就出多、有少出少嘅，係你自己嘅選擇。（若）喺FANS能夠消費到嘅角度，咁佢哋可以咁做；消費唔到佢哋覺得或者唔公平，但我哋好難話：你為咗偶像消費，畀多錢或者少錢係有對與錯（之分）」。但他亦認為MIRROR和其管理團隊要出面好好說明「高價換飛」事件。
