Busy是澳門「鏡粉」圈內小有名氣的男粉絲，皆因他早前曾一口氣「儲齊」一百張Edan（呂爵安）卡，在自己家中貼出一面「Edan牆」。
「呢個應該係我（追星）目前為止最痴線嘅一件事」，Busy笑言「砌Edan牆」是自己成為「鏡粉」以來做過最瘋癲的事。
從愛聽廣東話歌到「入坑」變「鏡粉」
Busy表示自己一直都喜歡聽廣東歌，無意間聽到AK（江?生）的《蝸牛》，「當時覺得首歌幾好聽呀」，Busy開始留意到MIRROR。
而真正讓Busy「入坑」的其實另有其人——Jer（柳應廷）。在聽到Jer今年所推出的《狂人日記》後，Busy感覺自己受到了震撼，「第一次聽嘅時候係覺得廣東樂壇竟然有啲咁『痴線』嘅歌，而呢個『痴線佬』（Jer）又駕馭到」。由此開始，Busy開始「考古」有關於Jer的其他作品、Live（現場表演），不論是Jer的唱功或是歌曲的製作班底都正中他的喜好，「之後就返唔到轉頭。」
「Jer就成為我第一個鍾意MIRROR嘅人，佢帶領我去認識佢哋十一個。之後就開始留意MIRROR更多新聞，一個個咁了解佢哋。睇返佢哋節目、想了解佢哋嘅吸引之處……最後追埋《調教你MIRROR》，就覺得我真係好鍾意呢十二個仔仔。」
Busy稱，自己追「鏡仔」後，讓自己和許久未聯絡的舊朋友突然多了一些共同話題，「有好多好耐冇見嘅朋友，突然因為大家都鍾意MIRROR而多了話題」。
身邊的其他朋友見到Busy如此「沉迷」，亦會主動向Busy分享有關MIRROR的消息。不僅如此，Busy在加入後援會後，認識到了許多志同道合的新朋友，亦因此而感覺到自己在追星路上有了許多陪伴。
Busy收集了許多有關JER（柳應廷）的應援物品。
如今Busy經以「入坑」接近八個月，「鏡仔」是Busy第一次如此投入地追星的對象。
我「老公」嫁左比MIRROR導致婚姻破裂？
Busy：「前妻」唔反對我追星
Facebook群組「我老婆嫁左比MIRROR導致婚姻破裂關注組」，群組已累積達三十四萬七千多名成員。
在香港，有一班女「鏡粉」的男朋友和丈夫，因另一半只顧追星，感到備受冷落、「深受其害」，因而成立的一個Facebook群組「我老婆嫁左比MIRROR導致婚姻破裂關注組」，並挖苦地戲稱自己為「前夫」。群組在成立初期即引發不少人加入，一眾「前夫」在群組內大吐苦水。截至今日，這個群組已累積三十四萬七千多名成員。
Busy作為有婦之夫，問及他另一半對其追星的態度。Busy回應稱，其實自己太太也喜歡Edan，並不非常熱衷。
不過對於Busy追星這件事，太太並沒有太大意見。甚至「前妻」會主動轉載有關MIRROR的消息給BUSY，更試過專程為他搜集「鏡仔卡」和餐盒。
「我覺得佢係支持我嘅，至少佢唔反對我追星」，Busy說。「事實上，我都唔會好主動同佢講太多鏡仔嘅嘢……因為見到香港GROUP嘅『前夫』真係好辛苦，唔想比佢覺得我煩到佢」，Busy有時亦會注意避免太過火，引起另一半反感。
至於其他的家人對於他追星的看法，Busy表示，家人給自己很多自由，比較少過問，「佢哋（屋企人）都唔認識呢十二個仔仔，如果有日佢哋問起，我當然會樂意介紹」。
不論性別、年齡「鍾意就係鍾意」
Busy：能陪著偶像成長是一件非常吸引人的事
一說到「鏡粉」，大多數人首先聯想到的形象可能都是女性。Busy也分享了自己作為男性，在追星時曾被誤認為「前夫」的有趣經歷。
Busy試過和其他粉絲「交收」物品時，對方見面時一臉驚訝道「咦？男仔嚟㗎？」。被錯認為是「前夫」時，Busy還要向對方解釋「唔係呀、唔係呀，我真係男『鏡粉』嚟」。
Busy更遇過被熟人撞見他在快餐店收集炸雞盒，「有個朋友嘅朋友認得我，同我唔熟嘅，佢見到我喺M記坐喺度抹M記個雞盒，佢就以為係個『前夫』幫老婆抹雞盒」。
Busy將收集到的炸雞盒DIY成為裝飾品。
在Busy看來，其實不需要、亦不應該為追星這個行為貼上性別標籤，「不論男女老少，其實都可以鍾意偶像，女仔可以鍾意女性偶像，男仔都可以鍾意男性偶像，鍾意就係鍾意」。他又指，其實許多「鏡粉」都來自不同年齡層，大家都不會覺得追星是「好怕醜，同埋好唔見得人。」
MIRROR作為「養成系偶像」，對於粉絲能夠陪著十二名「鏡仔」成長，Busy覺得這是一件非常有吸引力和開心的事，「呢一班小朋友由三年前冇人睇好，到一步一步改變成個香港樂壇，令到樂壇有返起色，真心好厲害。」
Busy表示，自己喜歡「鏡仔」的最主要原因是他們的實力和作品。但其實，他也常會看一些「CP」影片，例如「Jerdan」（柳應廷、呂爵安）的互動。
「CP」是「couple」的縮寫。一般而言，粉絲會將自己喜歡的兩個偶像之間如情侶般的親密互動製作成「CP」影片，並冠上特定的「CP」稱號代指二人的關係。粉絲文化中的「CP」概念，相信是由「ACG」二次元同人文化中的「配對（Coupling）」衍生而來，即「在腦中想像角色的戀愛關係」，任何性別之間都可以使用。
「Edan牆」大功告成
Busy用一百張Edan卡貼出一個「Edan牆」一舉，讓他在澳門「鏡粉」圈內「響朵」。
Busy與「Edan牆」合照。
Busy笑指，自己本來是打算要「砌Jer牆」，但顧慮到太太比較喜歡Edan，「砌Jer牆嘅話可能佢會唔鍾意，而且戈期Edan卡真係好多」，所以最後決定要儲一百張Edan卡，「（最後）好多人都放卡比我去砌呢面牆出嚟」，他亦十分感謝許多澳門「鏡粉」的支持。
最後，「Edan牆」大功告成，Busy將這件事分享到自己的Instagram story上，幸運地，Edan似乎也看到了Busy的「Edan牆」。
