立法會口頭質詢討論公屋政策，出名「多計」的直選議員麥瑞權今次竟然勸政府入市，投資房地產做包租公，唔使再傷腦筋搵地、研究新類型公屋，「政府與其用儲備投資廣東省，不如成立跨部門基金，係澳門買私樓，再租俾市民做公屋？」老麥又認為，此舉一家便宜兩家著，除了可為政府「資產增值」，令居民不用捱貴樓，亦有助本澳的租金回落，「如果政府係沙士時期係皇朝區買成棟商業大廈，而家就唔使捱貴租啦。」
可惜這條「絕世好橋」即場被運輸工務司司長羅立文秒殺：「政府唔係企業老闆，做乜都要依法，唔可以想點就點。」議員區錦新即場暗串有人勸政府入市接貨，整多條隊排豪宅根本無理據，提醒政府「小心唔好踩落個氹！」
雖然被當場打臉，但老麥依然面不改容，落足嘴頭繼續推銷，建議政府放寬樓宇高度，俾發展商起多幾層，到時政府可購入再租俾夾心階層。羅立文回應不囉唆，直指無可能，「我想你比我更清楚，街線圖話可以建30層，哪有承建商不起足30層？個個都希望起到盡，不要說再加5層，起多1層都無可能！」
