清潔及保安最低工資將於明年1月1日生效，不少屋苑都逃不過管理費狂加的局面。居住在氹仔泉福新邨第二期的陳先生指，管理公司近日張貼告示宣佈加管理費，其中三房單位由原本286元勁加至486.2元，升幅達7成，而且管理公司與業主會協商過程中，態度囂張無理，更似要挾小業主通過加管理費的方案。陳先生批評，管理公司服務質素差劣，泉福合共6座大廈只由1名看更管理。困?無人理，整個屋苑變成「無掩雞籠」一樣，陌生人可以自由出入。
陳先生指，泉福新邨第二期的停車場由管理公司擁有，由另一名看更長期坐陣負責收取停車費用，但薪金都是以大廈管理費支付，「用我哋嘅錢請個人在你私人地方做嘢，點都講唔過去！」他又指，看更經常不見蹤影，即使見人也經常睡覺或玩手機，「大廈經常有陌生人出入，我唔知點解佢哋有後門密碼同鎖匙。亦曾經有小業主試過困?，㩒極鐘都無人應，最後要自己撬門出嚟，咁多投訴好幾年都無人理。」
陳先生指，另外一名看更長期坐陣停車場負責收錢。
陳先生又指，業主大會當晚，管理公司代表態度極之囂張，指公司面對小業主批評「意見接受態度照舊」，又無承諾加費後會改善質素。更指「如果小業主不滿服務質素的話，大可更換管理公司。但你哋（小業主）要記住，過1月1日就會出現空窗期，到時我哋（管理公司）會繼續管理停車場，但係就無人去保障你哋安全，CCTV、清潔等所有嘢都會cut晒！」他形容管理公司的態度有如要挾小業主通過方案一樣，做法十分無理，「好似迫我哋上賊船咁。」
陳先生認為，最低工資勢必增加公司成本，加價無可厚非，但認為是次加幅過份離譜，「身為打工仔，我當然支持實行最低工資。但管理公司以最低工資為藉口勁加管理費，又無講加咗之後質素會有改善，令到小業主好氣憤。」又指雖然業主普遍反對加價，但當晚只有約一成小業主參與大會，「面對咁嘅服務同態度，好多業主都心灰意冷。同埋換管理公司又要登報又要招標，要業主另外出錢搞，一講到自己出錢好多業主都褪呔。」
泉福新邨管理費的加費方案（圖片由陳先生提供）
