【這個手勢超正噢~ 】「把刀一刀斬落黎！到期就係要收番，把刀唔係我，係土地法第48條！」 面對十多名官委、商界議員輪流猛攻，好話壞話講盡、硬功軟功盡出，見慣大場面既運輸工務司司長羅立文都並非省油的燈，大有泰山崩於前色不變之勢，一句到尾：按照現行土地法就係無辦法！批地到期未完成發展必須收回！
收地在即，這是一場與虎謀皮的戰爭。即使新土地法獲中央充分肯定，10月立法會訪京，全國人大常委會委員長張德江才讚揚立法會完成制訂《土地法》、《城規法》 兩項重要法律，但立法會殿堂之上，竟有10多位議員公然與之對抗，強烈要求鬆綁，除了關乎切身利益的商界議員，更有多位官委議員赤膊上陣，隱隱透出行政機關內部的不咬弦，對處理「海一居」問題態度兩極。
出晒名坦白既羅立文直言現行《土地法》定得好死，完全無鬆動酌情處理的空間。他又露出一副無辜臉，坦言「如果有人主動提出修法，我會配合，但我無呢個權。無論係司長、局長都無權設一個過渡條款。新土地法最後10多條都是過渡條款，講明有追溯期，新的土地法管埋舊批給合同，非常清晰。這不是我個人覺唔覺得、鍾唔鍾意的問題。」
連番猛攻，多位議員又改為替小業主「求情」，直選議員梁安琪指法律不外乎人情，政府不應「生吞活剝」一刀切強行收地。「海一居依法應先處理好土地問題，呢個都未搞掂，點處理『人情』問題？都起唔切層樓不如唔好出呢個『人情』！」羅立文輕輕四兩撥千斤，邏輯思路相當清晰。
對於官委議員蕭志偉的質疑，羅立文亦斬釘截鐵回應：「新法去年三月一日實施，係咪有兩個標準？我既時間只得一個標準，有些地差兩年才到期，我唔可以話佢兩年內起唔切。」
唐曉晴：只有極權國家才會充公土地！
http://goo.gl/6VpgLu
要求土地法鬆綁 老麥激到成個彈起！
http://goo.gl/k6VDrW
官委商界聯手踩土地法 羅立文被圍攻
http://goo.gl/r6zrTZ
批澳門人只會問政府要屋要地
張立群：如果生個仔係咁都唔要得啦！
http://goo.gl/Vaqkpg
