即時報道
即時資訊、特別報道、即時評論。

拉扯事件瓦解政府誠信 黃東︰「根本係自己攞黎衰」

即時報道

文:論盡採訪組

時間:2014年05月7日 22:22

對於女記者追訪特首而懷疑被G4警員拉扯受傷,時事評論員黃東說︰「證據確鑿到咁樣,亦有其他在場記者見到……佢(治安警)唔認既話,再多證據佢都係唔認。」他認為,政府在今次事件上,各部門之間互相包庇,「根本無誠意去解決,好簡單,其實道歉就無事。」

IMG_2048

他指出,政府自回歸以來,資訊透明方面的工作,至今仍未習慣與世界接軌。現時政府部門「敵我對抗意識」很嚴重,認為只發新聞稿就可應付記者,追訪只是妨礙他們的正常工作。他又認為,政府的跨部門工作一向都「做得好爛」,然而,在今次事件中,治安警,特首辦,新聞局等相關的部門「高度統一,行動快速」,全部統一口徑,同一做法,採取「防民之口,甚於防川」的態度。

黃東認為,原本只需要解釋清楚事件的來龍去脈,就政府的不足之處致歉就可以淡化事件的嚴重性。然而,「問題是治安警將件事煲大咗,唔係記者炒作,呢個責任完全在於治安警。」特首崔世安應該處分有關人員,而非不聞不問,繼續逃避,「下一次記者問佢後續情況,佢又再逃避,咁逃避到幾時呢?……佢依家其實包庇自己下面既部門,亦都令到自己臉上無光。做法完全與現代社會本末倒置。」

黃東又指出,崔世安現時仍未有恒常的機制接受記者提問,「佢個人習慣都係唔鐘意記者,呢個大家都知道。『江山易改,品性難移』,但係做得呢個位既時候,係咪應該要有更廣闊既胸襟去接納傳媒?」

崔世安出席公開場合時,身邊經常有大量G4警員。黃東認為,澳門是一個和諧的地方,根本無需要做到用「人肉鐵桶」圍住特首,做法可笑。「回歸前,澳督隨時帶一個人就可以搞掂,澳門一個咁和諧既地方,點解搞到好似恐怖分子活躍咁先得架,呢個簡直係畸形。」他認為,這種做法隔絕了傳媒、市民接觸主要官員的渠道,會導致施政與社會脫節。「佢根本唔係親民,係拒民於千里之外。拒民的第一步,就是拒絕傳媒工作者的接近。這是非常之錯誤的做法。」

他指出,一個政府在民間的誠信需要長年累月建立,然而,要破壞很容易,「今次一件事已經可以瓦解得無形。而且令到政府施政更加困難」,亦可以看出政府對維護形象及誠信方面並不怎麽重視,「呢樣嘢好失敗」。「次次落區都要搞一場大龍鳳,好似皇帝出巡咁,依家重令到記者既處境更加艱難。咁你點樣令到自己既形象可以得到正面既評價先?根本係自己攞黎衰。」