由明（2）起全澳餐廳恢復堂食，但食客必須出示自採樣日起計三天內有效且結果為陰性的核酸證明。問及對於此項防疫要求對業界的影響，間選議員、澳門餐飲業聯合商會會長陳澤武回應時稱，有關措施係比較麻煩，對業界的運作「當然係會有小小影響」。
他又稱，進入「穩定期」後，抗疫仍是首要，業界會配合有關的防疫措施，最後都希望不再有此舉措。目前，業界仍在要等政府進一步的指引，「除咗72小時核酸之外，另外有冇指引？如何限制客人數量、坐嘅距離、或有否需要設立間板，都未知。」
身為行政會成員陳澤武又指，業界一直有與政府溝通相關的防疫措施，「政府係充份把握每個行業的情況，但始終抗疫係首要⋯⋯如果唔係仲有疫情的話，通唔到關都係無咩用，講真」。
間選議員、澳門餐飲業聯合商會會長陳澤武
疫情無旅客 陳澤武：旅遊區或有餐廳已倒閉
陳澤武又表示，現時不少在旅遊區的餐廳都關門，未知能否再度營運。然而，於民生區的餐廳的生意都在「慢慢上返，始終有消費，（市民）又出唔到外地。做遊客生意真係慘啲囉，一定要通返關，先有啲人氣。」
他又稱，自己曾聽聞有遊客區的餐廳會倒閉，旅遊區的餐廳一定係「慘啲，因為無遊客，即使開返做堂食，都冇民生區咁好⋯⋯旅遊區如大三巴、官也街、甚至乎娛樂場內的餐廳都係好多閂鋪。」
他又指，其會則「未有統計，現時皇朝區很多餐廳都閂晒，一定會有啲會倒閉，但實質情況真係唔知。」
陳澤武：政府抗疫援助救得幾耐？幾多次？
陳澤武表示，若澳門一直有疫情以致不能與內地通關的話，澳門只能自己內部的消費，只是「塘水滾塘魚」而已。
他又認為政府對中小企抗疫援助「當然有好過無」，但只有短期性的效果。澳門與內地始終都要通關，「政府一路揼水落嚟都係救得幾耐？幾多次？」本地經濟體系涉及千萬遊客，「若遊客變零，都有相當嘅（行業）頂唔住。」
