山頂新傳染病大樓被揭隱瞞挖山，整個規劃至今仍是不清不楚，上至特首、下至司長都拒交城規會討論。社文司長譚俊榮今日首次回應事件，繼續自我感覺良好，硬銷大樓「好安全」、高度「合法」，兜兜轉轉超過10分鐘避談隱瞞挖山一事。他又反駁：「你哋一直質疑特區政府，係度同我哋爭論係無意義。我相信大家唔需要一路指出點點點唔安全，根本就係好安全，大家驚咩呢？」
在場記者迫問衛生局一早聲稱大樓設計經已完成，為何遲遲不公佈完整規劃和設計圖？究竟傳染病大樓是否存在秘密？譚俊榮見避無可避，就將個波踢番俾衛生局，「政府非常願意公開，各位有需要的話，我可以同李展潤局長講，請佢公開俾大家。（記：點解之前唔主動公開？）呢個係衛生局嘅工作。（記：你係監督實體都唔叫佢公開？咁衛生局係咪失職？）唔可以話佢失職嘅，係可以公開嘅。我哋點會唔尊重市民知情權？」
何不遷離島？ 譚：大家聽唔入耳
至於社會一直質疑傳染病大樓及離島醫院的落成日期都是2019年，為何不能將傳染病大樓遷往離島醫院？譚俊榮稱山頂傳染病大樓將來除了收傳染病人外，亦可給其他科室的病人使用，他又說已經解釋咗好多次，只是「大家聽唔入耳」。他又指傳染病大樓的圖則與離島醫院不同，「一個係山，一個係平地，高度唔一樣。」
他又歡迎3位議員就新大樓計劃提起辯論動議：「我不知幾想去立法會解釋清楚。」
