間選議員歐安利大發雷霆，指俾政府欺騙了。
「假如一層樓差個廁所未起好，係咪要收番？假如已經做好晒地基，係咪要收番？已經批左開工紙，銀行做晒按揭，係咪要收番？係咪大左肚叫佢唔好生仔？俾得開工紙就等於大左肚！」 一聽到《土地法》已經閂晒所有門，政府不接納任何理由豁免收回到期土地，當日有份投贊成票的大律師歐安利越說越激動，多次重申「我都俾人呃左！係呢度我要公開同社會講，對唔住！」
澳門唔係只得土地法48條！
歐安利少有大發雷霆，怒指做了議員超過30年，贊成修改土地法真係做錯左。當日討論土地法，他已經質疑「公眾利益道門咁窄 (指豁免賣地的條件) ，全部都要公開競投，唔俾番少少權俾特首，有問題！」時任運輸工務司司長劉仕堯話無問題、到時會有辦法處理，令大狀被「跣」左一鑊。現在政府指「海一居」情況不屬於公眾利益，必須收回重新拍賣，他才如夢初醒：「澳門唔係只得一條法律，唔係只有一棵樹，要睇一個森林！我以為唔會發生咁唔公平的情況，現在所有門閂晒，我又俾人呃左！要講句對唔住！投左贊成票我都有責任！」
他又抨擊政府不想面對問題，批評劉仕堯主政7年期間很多發展申請石沉大海，有地段申請了7年都未批出。現在政府怕再有收地事件，幾個部門都在為幾個快將到期的樓盤趕批入伙紙。
官委議員 黃顯輝
護法大發雷霆 白武士現身
同是大律師的官委議員黃輝顯也出擊，指羅司長堅持「擇善固執」，但民法精神不能光看字面解釋，要解決三千業主的痛苦必須修法。他又激動的說，根據《樓花法》，做得臨時登記塊地就有條件自動續期，連聲線也有點抖震。
立法會一片排山倒海修法之聲，間選議員鄭志強就反高潮變身「白武士」，對羅司表現激讚，又勸兩人：「大狀！歷史返唔到轉頭，個法律係我地呢度過既…….」( 鄭志強發言詳見另文)
土地法拳來腳往，更多激戰可點選以下連結：
