環保局局長譚偉文今日受訪。
特區政府擬建一個「生態島」以傾倒建築廢料，日前有市民及環保團體發起聯署，反對「生態島」項目，認為該項目對海洋水質造成污染，更危及周邊水域中華白海豚生態。環保局局長譚偉文今（27）日表示，當局經考慮相關條件限制後決定「生態島」選址為位於黑沙與竹灣之間龍爪角對出約一公里海面，此處非中華白海豚經常出沒、主要活動的地方。
他又強調，城市可持續發展，建築業必不可少，而現時處理建築廢料的堆填區已近飽和，當局必須解決建築廢料。在多方考慮下，當局決定以經篩選過且符合國家填海物料的標準的建築廢料來建這「生態島」以及有關選址。日後的「生態島」將保持一個自然生態，「我哋唔希望有其他嘅商業、工業喺裡邊」。
譚偉文今日在出席一公開活動被傳媒問及有關「生態島」項目。他回應稱，目前正跟進環評、通航和水利等專項研究，爭取今年內完成相關報告呈交中央審批。隨著新城 A區及本澳各項工程不斷建設，建築廢料堆填區壓力愈來愈嚴峻。城市正不斷地發展，「所以解決建築廢料處理嘅問題係城市必須面對嘅⋯⋯我哋都唔識變魔術，總要諗辦法去解決」，當局在考慮將全力推進生態島建設。
他又強調，現時澳門管轄水域有85平方公里，在這範圍內「可以選擇嘅位置亦都唔多」，不少位置涉及航道及機場跑道。「最重要一樣嘢呢：澳門係處於珠江口嘅西邊，我哋畀一條排洪、排沙嘅線制約住，即係我哋唔能夠再向東邊去填。我哋只可以揀喺我哋可以選擇嘅位置去去做，希望大家理解：我哋唔係專登去揀呢度，而係喺好多制約嘅情況之下，呢個係一係相對適合嘅地方。」
網上聯署反對建「生態島」項目 譚偉文：生態島位置有中華白海豚 但非經常出沒
由澳門環保學生聯會、香港海豚保育協會及一群關心海洋的市民發起網上聯署，反對在路灣南部海域的填海工程，擔心危及中華白海豚，建議增大該區成為海洋保護區。
譚偉文表示，當局知道「生態島」選址點有中華白海豚出沒，「但係，大家要諗諗嗰度係唔係中華白海豚經常出沒嘅地方？唔係。」
團體及市民發起網上聯署反對建「生態島」項目。
他又稱，在「生態島」選址對出的八公里外，有一個幾百平方公里中華白海豚保護區，「嗰度係佢哋主要嘅活動嘅地方，我哋亦參考返一啲之前嘅環評嘅資料呢，其實喺澳門裏邊，中華白海豚集中活動嘅地方係喺機場跑道嘅南端，而唔係喺生態島嘅地方。」
擬以建築廢料填海建島 譚偉文：建築廢料經篩選且符合國家填海標準
譚偉文續稱，為了解決建築廢料，當局亦計劃用經篩選過建築廢料來填海，但必須都符合國家填海物料的標準。
他又指，日後將是次填海項目定位為「生態島」，除了保持島的形狀，「我哋唔希望有其他嘅商業、工業喺裡邊，我哋保持其一個自然嘅生態。」
另外，譚偉文又表示，特區政府一直堅持污染者自負原則。在此原則下，當局亦一步一步實施限塑措施，「我哋一定會分階段噉去落實（限塑），堅持緊嘅污染者自負嘅原則。」在下一階段，當局將實施危險廢料的收費制度。目前局方正在進行前期研究工作。
