衛生局局長羅奕龍在今日的疫情記招上宣佈， 明天七點開展全民核檢，爭取凌晨完成，中小幼不停課，托兒所不停托，今日已進行核酸檢測的市民，明天毋須參與全民核檢。消息公佈後，不少核檢站已大排長龍，更有市民擔定櫈仔來排隊。有排隊市民表示：「驚聽日落大雨，會好麻煩出嚟做核酸，不如依家做咗先。」亦有居民見到排隊人龍，打退堂鼓：「都係聽日早啲來做」。
由於今次全民核檢時間極短，不少市民都批評當局安排倉促，沒有理會市民感受，網上罵聲四起。有剛做完核檢的市民反映，排了將近2小時才完成核檢。有市民表示︰「其實新聞稿就話明早七時起開始全民核酸，但就而家做咗都計數，作為信政府既居民肯定個個都衝出黎做啦，咁設個時間黎做咩！」有市民表示︰「希望呢個風可以將呢班無能官員吹走晒，咪撞住地球轉。」
有市民表示︰「我實在諗唔通，政府全民核酸但又唔停工停課，即是換句話講，大部份上班族和學生只能夠利用中午的吃飯或放工放學的時間去驗，咁樣大規模人流聚集會唔會更加容易交叉感染，另外，有沒有考慮過核算站工作人員的承受能力？又話因為天氣原因，想爭取盡快完成咁就應該停工停課啦，你唔停工停課啲人咪集中喺嗰幾個時間去驗攞。」
當局晚上8時許發新聞稿表示，明日（11月1日）開展的全民核檢，至11月2日上午11時結束。而全民核檢各站點及關愛站將於明日上午7時開放。
