2021-10-08 全民核檢無限LOOP 疫情「清零」乃是夢每週專題
8月一家四口感染、9月隔離酒店「保安群組」6人感染、10月「裝修群組」4人感染,由8月4至10月4日,短短兩個月,澳門就因出現新肺炎確診患者而先後進行了3輪全民核檢,其中第2及第3輪的全民核檢相隔的時間亦只不過8天。 啟動全民核檢的受感染患者人數由4人到6人再到4人,當局啟動的準則似乎令人琢磨不透。當然,政府亦未曾明確給予公眾啟動全民核檢的準則,例如感染人數和疫情影響範圍。多次問及啟動全民核檢的準則,當局的標準答案則是: 「按動態風險研判,採取適當措施」。 這樣「模棱兩可」的官方式回應固然沒錯,但卻難免讓人有敷衍搪塞之感;同時全民核檢的成本效益亦備受質疑。這3次的全民核檢當局仍未公佈完整的支出費用,衛生局局長羅奕龍曾稱,僅是檢測費已約半億元,而當中涉及大量人力資源及社會成本。為了找到潛在的陽性個案,每次一有病例就要啟動全民核檢,難道要變年年檢,月月檢,天天檢? 今次的「裝修群組」感染,有意見認為,或許「保安群組」和「裝修群組」在9月24日或前已經交叉感染,但第二輪的檢核結果卻是全部陰性。這種勞民傷財、動輒半億起跳的全民核檢,其必要性成疑。除了公帑支出,市民少則要花半小時以內,多則數小時等侯檢測,使到不少居民尤其長者及小朋友受難,更包括「足不出戶」的嬰兒。 當市民對抗疫已感厭倦時,防疫漏洞自然防不勝防。堅持「清零」、半封城的防疫主張長時間是否仍可行?關於澳門未來防疫措施,當局應當深思。

第三輪全民核檢 網民不吐不快

2021-10-08 全民核檢無限LOOP 疫情「清零」乃是夢每週專題

文:論盡採訪組

時間:2021年10月10日 22:22

數名外籍僱員在10月6日晚上9點25分到聖若瑟教區中學(二校)檢測站,但該站已落閘。

當局於4日晚9點啟動第三輪全民核檢,預計 3天完成,並爭取 48小時完成。核檢首晚,有部分檢測站外9點前已迫滿候檢居民,有些則在片刻間,排隊人群已打「蛇餅」。據當局,今次平均輪候時間約為30分鐘。對於今次的全民核檢,網民有批評亦有支持。

對於今次第三輪的全民核檢,有網民繼續戲言政府似只得全民核檢一招。又認為其不僅擾民,而其成效更成疑。甚至亦有意見認為,政府想2日完成整個檢測,或變相令市民「迫爆」檢測站造成感染風險。政府於6日下午4時許,突然公佈當晚9時關閉大部分檢測站,最後只得6個檢測站繼續運作到7日晚上9時,有網民直指政府此舉是在「陰」市民。

「正苦除左驗驗驗 不停驗 就冇辦法啦,想驗足一世呀?on9外勞群組已經社區爆發。」

「用嚟全民核酸嘅錢用晒去打針抽樓仲好啦,包你兩日所有人打晒」。

「除左全民做核酸,你乜法子都無」。

「你知唔知就是因為你們的工作疏忽,監管不力,做事求求期期,冇計,你哋做錯事不需要負責任,所以澳門市民就要為國慶黃金周和澳門經濟民生埋單。」

「請問羅局 你需要排隊做核酸嗎?」

「其實呢羅局長有無諗過搞一次呢啲咁嘅嘢嘅成效到底有幾大?最近確診嘅人士都有做全民核酸檢測,結果測左個陰性出黎。好啦珠海同澳門係10月3號傾掂數話10月4號中午12:00點比有條件人士過關(至少接種一針疫苗及48小時核酸檢測陰性證明)。咁有得返去梗係第一時間去做核酸啦,諗住「行禮儀」做個核酸點知一係唔驗一驗就有人中咗佢自己都唔知(同時殺政府一個措手不及)。核酸檢測準?喂,分分鐘同驗孕棒差唔多㗎咋。」

「仲有最大問題,短時間內要求市民大量聚集去做檢測。假設當中有陽性個案,咁所有聚集檢測嘅人都會有風險。唔知班官有冇諗過出現呢個情況要點處理?到時就唔係封一兩座大廈咁簡單。」

「外國應對『無症狀感染』係要求留在家中休息,盡量唔佔用公共醫療系統。澳門幾時先可以進步?唔係下下都咁大陣仗就叫做好防疫工作。」

「對管好自己對腳既人好唔公平。」

「琴(4)晚行過見到有啲排成千幾兩千人,分分鐘冇事都變有事。」

「乜嘢首48小時,既然公佈檢驗期限,就應該全段時間都可以俾人預約,而家咁,咁就不如將期限改為48小時內啦。兩日,要大約60幾萬人預約,又話避免人多聚集,而家變相迫人去聚集,成日自相矛盾。」

「排個幾鐘叫理想。點解羅局長唔落黎排下?」

「假定當中有人係陽性,但又谷人兩日做曬,變相增加排隊人口密度,想點?」

「擺明玩你班唔聽話48內仆去做既人 無論有冇正當理由 得罪方丈就係咁。」

「市民被玩弄⋯⋯官僚大晒,無法無天,所以市民前兩次太順灘⋯⋯人地就吾會放市民在眼內.人就係甘、欺善怕惡。」

在9月6日晚上八時左右的鮑思高站,市民趕去做核檢。

網民:出事檢一次無意義 今次起碼要做三次

亦有市民認同第三輪全民核檢,認為若每次一出事只做一次全民核檢無意義,應該今次至少要做3次或以上全民核檢才能保障市民健康安全;亦有網民認同48小時完成今次的全民核檢。

「真係好想講每次一出事只做一次全民核檢係冇意義。今次第74例就正正係佢24號搭巴士被傳染後,潛伏期間25號去做全民核檢,結果出咗陰性就當過左關!如果有繼續做多幾次全民核檢,一早就已經抽左呢個病患出嚟!今次如果唔係72例要離境做核酸,真係唔知呢批裝修工群組要喺社區遊走幾耐感染幾多人先會被發現,強烈建議政府今次至少要做最少三次以上全民核檢保障市民嘅健康安全!」

「驗,同意驗,我寧願早啲驗多幾次早啲開關,成日放假以為屋企有礦?」

「上兩次都睇到第三日係浪費人力物力,今次直頭有條件48小時完成,開多6個站已經安排得好好,支持!」

「一直強調48小時wo ,預約都係去到6號。」

「無陰(市民),只係有啲人心存僥倖,局佢開埋7號,死都唔去。」