第二批國藥疫苗今（28）抵澳。
第二批共40萬劑國藥新冠滅活疫苗今（28）下午運抵本澳，加上之前到貨的國藥疫苗和mRNA疫苗，澳門現有600,425劑疫苗。據衛生局昨（27）公佈，截至昨晩9時，約有3萬人預約接種新冠病毒疫苗，當中預約滅活疫苗有2.5萬人、mRNA疫苗3,369人、腺病毒疫苗87人。回應居民對接種疫苗反應一般但存貨較多或造成浪費時，衛生局局長李展潤表示，疫情難預估而且全球都在搶購疫苗，「浪費都好過真係需要嘅時候買唔到⋯⋯我哋訂50萬（國藥）疫苗都咁快到咗，國家對澳門真係好支持。」
在國藥第二批疫苗的接收儀式後，李展潤回應傳媒指，目前有60萬劑疫苗足夠讓 30萬名居民各接種 2劑。又指，下月將再有另一批共10萬劑的復星-BioNTech疫苗抵澳。問及當局會否增購疫苗，李展潤則表示視乎情況。
衛生局局長李展潤接受訪問。
目前本澳有50萬劑國藥疫苗，但據昨日官方公佈僅有2萬多人預約接種，而且該疫苗並不建議60歲或以上的人士接種。回應傳媒問及局方會否擔心疫苗過期而致浪費公帑時，李展潤表示，以訂購流感疫苗的經驗，通常只用7成流感疫苗。但亦試過對疫苗需求飆升的情況。「疫苗就係咁樣，當真係有疫症嘅時候呢就唔夠用，當冇疫症嘅時候就冇人或比較少人接種，所以我哋預多好過預少 」。
他又指，目前疫情發展難以估計，而且全球都搶購疫苗，「我哋真係好難估計（疫情），而家澳門真係一個病人都冇，冇疫情嘅時候市民接種疫苗嘅意願應該較少，但係真係突然間有個案出現，可能市民需求又會增加。所以我哋買疫苗或藥都係做一個保險咁樣，買多啲。」「我覺得買多咗浪費都好過真係需要嘅時候買唔到，尤其是呢個疫苗全球都搶緊，我哋真係好好彩。 我哋訂50萬疫苗都咁快到咗，國家對澳門真係好支持。」
據衛生局昨數字，有3千多市民預約mRNA疫苗，該疫苗為年滿16歲人士即可接種，無年齡上限。問及若居民都偏向選擇 mRNA疫苗，會否擔心疫苗不足夠又或造成居民「無得揀」，李展潤則表示，照目前預約的情況來看，未必會出現不足夠的情況。「 應該唔會出現唔夠，同埋復星應承咗我哋下個月再返10萬 。調返轉頭，我哋覺得冇咁早返來（好啲），因為咁早返來可能過咗期用唔到」。
他又指，市民暫時持觀望態度較多，「接種冇其他有疫情嘅地方咁踴躍 」。他再次呼籲市民接種疫苗，對澳門好、 對自己及家人都好。
