海一居業主聯合會襯五一勞動節發起遊行，促請政府盡快讓海一居小業主按售樓合同、稅單及物業登記收樓。遊行隊伍於黑沙環海天居保利達售樓處集會，先步行到中聯辦遞信，再到政府總部遞信。海一居業主聯合會會長高銘博表示，事件發生3年多至今，已發起過多次遊行，希望今次為最後一次，能按合約收樓，並認為解決海一居事件的主導權在政府手中。他又呼籲參與遊行人士要保持合法及理性，不要被他人利用海一居事件來搞亂澳門。又稱遊行約有700多人參與。
日前行政長官崔世安會見海一居業主聯合會，強調政府有誠意解決海一居問題。高銘博指，今次是海一居事件發生至今，政府首次主動約見他們，但形容政府今次的約見十分倉促，「政府臨急臨忙通知我哋去開會，開會前幾個鐘頭先通知我哋要見面，本身我哋都唔知要見特首。見面大約半個鐘頭左右，多數都係特首、陳司長同廉政專員講嘢。我哋希望可以畀多啲時間我哋講，但係佢哋好倉促咁就走咗。」
高銘博亦指，會上政府所言與以往的說法一樣，「來來去去都係三幅被，都係講關心等等嘅客套說話。佢哋話有幾個方案，但點都要等到官司完左之後先有得做決定，新聞稿亦無話可以特事特辦。」
高銘博形容，會面過程「喜憂參半」，是好的開始。他指海一居事件經歷多年，至今才終於能與政府官員對話，但小業主仍擔憂政府不能按照合同、稅單及物業登記，讓小業主收樓，「我哋嘅心靈好脆弱嘅，如果政府一日無方案出嚟，小業主都唔會放心嘅。如果唔係按合同、按稅單嚟保障我哋，我哋都會係食唔安瞓唔落嘅。」他亦指小業主準備赴京，前往港澳辦反映訴求，「無辦法之下我哋都要去。」
