日前政府《公報》刊登行政長官批示，許可與沙龍（澳門）多媒體有限公司訂立提供「製作『澳門輕軌系統相關工程 ── 實像紀錄 (2018-2020)』」服務的合同，金額達到545萬元。翻查運輸基建辦公室的招標資料，運建辦分別於2013、2015及今年以公開招標的方式，先後3次批出相關「實像紀錄」合同，前2次的判給金額分別為165萬元及175萬元，連同今次判給，總判給金額達到887萬元，而3次公開招標的獲判給實體同為沙龍（澳門）多媒體有限公司。
根據該公司的商業登記顯示，沙龍（澳門）多媒體有限公司為香港的「沙龍多媒體中心有限公司」的分公司，而其中一名股東為廣告商會主席黃義滿。
直選議員高天賜
消息一出，再次令社會對政府有否合理運用公帑提出質疑。直選議員高天賜表示，輕軌建設工程啟動至今已花費大量公帑，「輕軌係大白象工程，早幾年政府有構思要興建輕軌博物館，但係社會迴響好大，故此擱置建議。而家拍條片話要洗幾百萬元，我覺得係幾荒謬。」他指出，雖然現時政府庫房「水浸」，但當局不能這樣使用公帑，能應實事求是，待輕軌真正投入運作後，才去想這方酬的工作，「其實有無咁嘅必要同作用？有啲畀人感覺到有利益輸送成份。」
直選議員區錦新
而直選議員區錦新則指，明白到輕軌營運前需要進行推廣，「但而家係咪適合去做推廣工作？作為一個廣告片嘅性質，洗咁多錢係咪有啲貴？」他亦指，輕軌系統未開始營運就已花費大量公帑，「預咗一定係蝕錢，無乜可能回本。因為輕軌建設本身已經係無底深潭，單係氹仔段已過110億元，收回成本無可能。問題係之後營運嘅時候，營運成本能否攤平？連問運輸工務司司長羅立文，佢都話無可能做得到，只能由一間政府全資公司營運，唔會有私人公司參與。」
區錦新坦言，社會要面對輕軌這隻「大白象」，「投資咗咁多，好難叫佢停落嚟，但未來點樣減少營運費用，盡可能虧蝕少啲都偷笑。今次一筆過又畀幾百萬，開頭一闊三大，大手大腳，未來官員都唔會有乜樽節開支嘅能力。行政長官應有帶頭作用，如何用好每一筆公帑係十分重要。」
