特區政府突然與阿里巴巴簽署協議發展智慧城市，但政府對於與阿里事前商討及協議細節均沒有多談，令社會對此存在不少質疑。公用事業關注協會理事長鄭仲輝認為，今次政府與阿里簽約，有違本澳「貨比三家」的規矩，令社會感到非夷所思。他認為，政府理應提早向外界公佈，「其實政府大可以提早話俾市民聽，點解會變成咁，政府係咪輕視民間係呢方面嘅關注力？政府最好要出嚟解下畫。」
有意見質疑，政府先與阿里簽署框架協議，再商討細節及就項目進行判給，做法並不恰當，並會削弱政府議價能力。鄭仲輝認為，由於框架協議當中可以千變萬化，立法會亦不具備監督財政支出的制度，「呢個項目以後會唔會變成另一隻大白象？呢個智慧城市嘅項目會唔會係財政支出方面變成另一個無底洞？」他認為，雖然政府已與阿里簽署框架協議，但政府有責任在每個項目實行之前，將每個項目的細節、執行情況及預算向市民交代。
政府曾多次表示，智慧城市框架協議將於2018年底「初見成效」，但社會至今仍未得知由阿里興建的雲計算中心的選址及規模。鄭仲輝認為，現時仍未有實際資料去估計相關情況，「但既然佢（政府）講得出2018年底會初見成效，究竟乜嘢叫初見成效？初見成效嘅基礎會建立係邊度？要具體咁講清楚。」
