官委議員 馮志強：
海一居收地令社會嘩然，令3千小業主欲哭無淚、驚惶失措、求助無門！政府淨係識講：你告發展商啦！你去司法訴訟啦！與政府無關，政府是否如此涼薄？琴日議員十居其九都為這事「抱不平」。好簡單，公務員長俸制改公積金，都係舊人舊制、新人新制，係政府一貫做法！我真係好難明白點解議會有些人口是心非，剛剛講到仁慈到不得了，菩薩咁既心腸，喂~ 佢地以前唔係咁講野架！特別那些憎人富貴厭人貧的議員，實在其心可誅！
政府受到社會壓力要收地起大量經屋，所以就收人啲地啦！咩叫閒置地？我真係唔明，我係呢幾年先聽到閒置……咩叫閒置？未利用既土地先叫閒置。而家好似返番50年代大陸鬥地主、鬥財主，呢個係咩社會？係咪文明社會？政府點解要俾一小撮人綁架？都唔識分析問題，首先政府完全唔講道理，又聽左呢啲政棍講！
80年代澳葡政府土地法跟現在的土地法有何不同？最大分別係政府「自殘武功」，將行政長官豁免權完全廢晒！呢啲係議會、少數議員迫佢地做，邊幾位就心知肚明，對唔對？大家都話這個法係有問題，做錯左使唔使修改？中國人話：知錯能改，善莫大焉。做錯左改有咩問題？點解唔得？點解係法律倒退？
