【澳門影城一定要得！】呢排文化產業基金正值多事之秋，領導涉徇私被撤職，算是快刀斬亂麻。但逾億資助究竟花落誰家？暫時未有公佈(話要等簽左約先) ，坊間議論紛紛。不過，小小枝節絲毫不損社文司譚俊榮推進澳門文創的信心，今日他與記者大談澳門「進軍影業」的大計，矢志將澳門打造成好似康城、威尼斯咁既國際影城，專做國際影展。
雖然法國康城影展係殿堂級數，但譚超人就話澳門千祈唔好妄自菲薄：「康城條件無我地咁好！」雖然唔容易，但佢話至少要起步先，否則唔會有任何發展。早前譚司係立法會興奮宣佈，太陽娛樂將落戶澳門，視澳門為根據地。這些大型、有實力、大把資金的集團，只要政府用政策支持佢，相信事半功倍。
