【社文施政】「光輝五年」頭三個月，譚俊榮有備而來，帶上大批數據迎戰立法會。過去兩個月實施急診分流後，山頂醫院病人增加6%，整體輪候時間縮短超過20%，非緊急病人50分鐘內睇到，比去年同期縮短30%，心臟科專科初診輪候時間比去年同期縮減66.4%，骨科縮減28.6%，婦科縮減19.8%……上任百日，譚俊榮自評醫療改革取得「亮麗」成績，「唔係幾個巴仙，係幾十巴仙改善！」
多名議員追問醫護人手不足，十年百億醫療規劃最後要幾錢先埋到單？直選議員區錦新質疑，雀仔園愕街建一條自動扶手電梯都要400幾日，同樣時間起好一間醫院(首期工程)豈不是奇蹟？擔心新醫院像輕軌一樣「竣工無期、預算無底」。另一名議員陳明金對山頂一堆「亮麗」數字不太賣帳，指一名癌症病人申請由山頂轉鏡湖，等了25天才拿到病歷及其他相關報告。
譚俊榮指，上任後平均每月一次巡視衛生中心及離島新醫院工程。他相信以兩間護校每年有百名畢業生，以及民間機構970多名護士，衛生局再增聘188名護士並不難，山頂病床數目亦增加了130多張。但他指出，澳門進入老齡化社會，本地人口加每年3,200萬人次遊客，令醫療服務需求激增。而且「澳門睇醫生太容易」，比香港、甚至世界的就診比率還要高，增加本澳的醫療壓力，他希望市民明白「得閒無事睇醫生唔係一件好事」，有可能造成醫院感染，政府會加強宣傳，向市民推廣自我護理知識。
