工務局城規廳廳長劉榕
【新聞解毒】今日特區政府公報刊登一則不起眼的啟事，工務局長李燦烽簽批城市規劃廳廳長劉榕及城市建設廳廳長陳榮喜再續任半年，任期2月16號起生效。數數手指，即係8月下旬就到期。公職人員續任一般是一年起、兩年止，此屬正常範圍。廳長作為執行政策和管理實務工作的骨幹成員，好似唧牙膏一樣半年半年續，在官場中並不尋常，這關乎政策實施的連貫性，咁重要既職位只做多半年，如何規劃日後工作？睇黎都係危危乎，命不久矣。
城市規劃重要性唔再多講，城市建設廳之前負責《都市建築總章程》修訂諮詢工作，街影條例、房間面積不可小於9平方米、廚房最小面積等等等，都係《都市建築總章程》技術篇內既規定，亦因為咁澳門先至唔似香港有「棺材房」。
新局長坐暖張凳之後，都係時候要重新埋班大展拳腳架啦！
延伸閱讀：
鍾小健促放寬A區地積比率 地盡其用
