來自銀行界的間選議員葉兆佳表示，本地經濟發展面臨轉型，當中涉及很多立法工作。為了促行政效率、當局在不抵觸《立法法》的情況，有些事項或以行政法規「先行先試」，待成熟後再進行立法。行政法務司司長張永春回應時表示，能夠採用訂立行政法規處理的事項，一定會訂立行政法規，「坦白講，可以用行政法規，一定唔做法律，因為做法律又要嚟立法會，一般性，細則性委員，嗰壓力好大嘅」。
今日立法會辯論明年行政法務施政方針。葉兆佳在提問時表示，關注營商環境及公共行政效率。而在本地經濟發展正在轉型階段 ，涉及很多立法工作。 「最近立法會收到法案，有啲喺改好少嘢。咁我諗起件事情，我哋係唔係所有事情都要用立法先能夠解決呢？雖然我哋有《立法法》，但係我哋唔係廢咗行政法規嘅。有啲事件係唔係可以用行政法規先做起上嚟？⋯⋯因為行政法規程序比較簡單，而通過立法肯定時間比較長。如何能夠在遵守《立法法》的情況下，多啲用行政法規先行先試呢？」又指，在不扺觸《立法法》的情況，有些事項「先行先試」以行政法處理，可在條件成熟後再立法。
間選議員葉兆佳
葉兆佳又認為，為了促行政效率，當局盡量減少「審批」。若不需要政府去批准應以「報備」方式。又指，「國家（行政）改革如是，行政審批權盡量減少以讓市場更有活力」。
張永春回應時表示，當局會分析何種事項須以制定法律或法規來處理。「係唔係所有嘢都要用法律（處理）？係唔係有啲嘢可以用行政法規，坦白講，我哋都想用行政法規，可以用行政法規，一定唔做法律，因為做法律又要嚟立法會，一般性，細則性委員，嗰壓力好大」。
張永春又表示，《立法法》已規定那些事項須擬法律來處理，「邊啲（可以）用行政法規，呢樣嘢（《立法法》生效至今）經過十幾年，我哋大家比較清晰 (何事採用行政法規或法律) 」。
