行政長官賀一誠以392票「高票」當選第五任行政長官，在記者會上，有傳媒指，雖然賀從400名選委中取得392票，但是民間仍有31萬名選民無法投票選出行政長官，他問及賀一誠如何看待自己的認受性？賀一誠回應時強調，一定要尊重現行選舉制度，「而家嘅選舉制度係咁，你叫我再講另外一種方式，我講唔到。有無認受性？我唔知道。」
他亦指，400名選委均來自不同的界別，背後都有不同人去支撐，「係我嘅競選過程中，唔可以因為得400人投票，就去討好嗰400人，唔需要做其他嘢，我唔係咁嘅性格。該講嘅嘢一定要講，該落區嘅我一定認真去做。我舉辦咗好多座談會、公聽會，邊個上嚟我都會見，我唔會拒絕。」
而被問及未來會否只向中央負責，「中央叫你做乜嘢，你就做乜嘢？」賀一誠反駁提問傳媒稱「你理解錯誤」，又叫傳媒「補補課」，指《基本法》規定行政長官有「兩頂帽」，特區行政長官向中央負責，特區政府行政長官要向市民負責，「唔係中央叫你做乜就做乜，行政、司法、立法係特區行政長官嘅責任，對市民來講，你一樣要向立法會負責。」
另外，有傳媒提到，香港特區行政長官林鄭月娥曾在2017年競選時許下「當主流民主不支持自己時便會下台」的承諾，被問及賀一誠會否許下同樣的承諾時，賀表示，作為行政長官候任人，不適合亦不會對其他地區的所謂「承諾」進行評論。
而被問及當屬下官員所作出的政策、措施與民意相違背時，作為行政長官會否「狠心」地向相關官員問責？賀一誠指，有信心官員執行率可以達到他的要求，承諾會帶好自己的團隊，「我係好多地方工作過，好多人同我合作過，我可以包容人哋意見，但亦會提出自己觀點，會攞到共識之後先會去推。我會加強我哋嘅政務溝通，要各個司長同心協力去做好一件事。」他強調，如何帶好一個團隊，才是做政府「班長」的角色，「我相信、有信心我可以做到。」
X
請支持論盡走下去！新聞自由是靠全民來維護的。
支持捐款︰aamacau.com/donation/
