政府與CTM簽署的「5+5」特許資產服務合同將於年底屆滿，政府稱倘不與CTM續約需賠償巨款，引致社會譁然。澳門電訊行政總裁潘福禧早前稱，CTM最適合繼續提供服務，若政府冒險另覓新的營運者管理特許資產，對澳門未必最好。
Mtel電信有限公司行政總裁徐德明說︰「非佢莫屬，第二個唔會做得咁樣，我相信政府聽到呢啲說話，佢地係有好高智慧去睇呢番說話。」他認為，澳門有能力的電信營運商比比皆是，有關言論可能是「誤會。」他說︰「你會唔會懷疑中國電信係唔識得管啊？全球最大的固網營運商，在內地超過幾多億的客戶，會唔會懷疑呢？和記在香港有覆盖面咁大的網絡，你會唔會懷疑佢呢？Mtel我哋都係青出於藍，幾十年睇住澳門電信的發展。我覺得係誤會。」
電腦學會理事長陳永健出席聚賢同心協會舉辦的研討會時表示，電訊網絡屬於特區政府的特許資產，不應由電訊商管理。每一個電訊商都是網絡使用者，為有效監察、公平、減少人為錯誤和舞弊，網絡不應交由電訊商營運。
電信技術及資源管理廳長梁燊堯表示，明白到業界和市民都希望網絡服務可以更高速、有效、便宜，以及引入更多競爭，當局會盡力回應社會訴求。他稱，運輸工務司司長羅立文之後會到立法會作進一步解說。
另外，Mtel按規定需要在今年內完成七成的網絡覆蓋率，一八年底前達到九成九。徐德明表示，目前澳門區覆區率已經突破六成，路環和氹仔亦分別突破五成，若果今年暑假的舖路工程申請順利，有信心可於年底達到七成的要求。他又稱，在近兩三個星期都不斷同政府溝通，但在協調過程遇到一些阻滯。
被問到政府鼓勵新經營者加入市場競爭的政策是否足夠時，他說︰「能唔能夠鼓勵，又或者政策傾斜，我諗大家都有目共睹的。一個新營運者進入市場應該係點？周邊國家係點？大家都知道。特區政府最高領導人幫我地簽署咗呢份牌照，理論上其他各個部門都知道，都會去互相協調，唔係有啲部門話覆唔覆盖唔關我哋事。咁我地會有少少尷尬囉，咁即係點啫。高層都按合同監管我地做，但有啲部門之間既協作就係咁樣。我地都係好相信政府支持呢件事。要繼續推廣智慧城市，無第二個固網營運商，實際對澳門整體都唔係有利的事。」
