法院一宗醫療糾紛裁決引起醫療界強烈迴響，連續多日都有醫療團體刊登聲明質疑法院判決。身兼中華醫學會理事長的間選議員陳亦立今日受訪時表示，醫務界並非要翻案，「唔係想將件事搞大」，而是不希望醫療出錯與刑事責任掛鈎，希望透過今次事件令社會認知到睇醫生有風險，「好似去投資，有升有跌，有賺蝕，每做一個醫療行為都有風險。」
陳亦立說︰「醫療是一個不確定的科學，有好多原因可以導致誤診，有好多人真係可以到過咗身個日都唔知咩事。要通過屍解先能夠確定到佢係咩病。」一些先進的國家，如美國的誤診率都有三成。他認為，醫生犯錯通過金錢上的賠償是應該的，但與刑事責任掛鈎則令個醫務界感到擔憂。「一般診療在正常的情況下，又要告，你話以後邊有人做醫生？……醫療專業不是一個買賣，你俾咗咁多錢，我就俾咁多服務你，如果唔係你就賠返俾我啦。」
陳亦立希望《醫療事故法》能夠盡快出台，代替用刑法處理醫療糾紛。
