澳門咁多車點搞？
羅司：我唔鍾意講果啲說話，會研究還是甚麼的，每月多900架機動車，無咩好辦法，除非各位有咩建議。
限車無可避免
羅司：除左限車，無其他辦法！每月增加900多部機動車，實死！北京、新加坡都有限車，問題係要限幾多？大家要有個數。1年23萬架，道路增長只有1%，這是遲早的事，避免不了。
政府諮詢濫？
羅司：澳門好多諮詢，一項公共政策諮詢幾乎要花一年時間，從撰寫問卷、聘請顧問公司，60日諮詢期加180日完成報告。我只係睇過4份諮詢報告，你問到諮詢成效，坦白講，我有少少疑問。
好驚公共工程又停工…….
羅司：停一、兩個月已經要處理，處理唔到就計數。……出現左問題唔處理，停晒係度，唔係我性格。
漏水
羅司：儘做！但我以為只係要管公屋漏水，點知私人樓都要理。私樓漏水點解都要政府處理？處理唔切又投訴，所以邊做得切？呢度又漏、果度又漏，呢度唔開門，果度又唔開門…….
羅司：限車無可避免
羅司：除左限車，無其他辦法！每月增加900多部機動車，實死！北京、新加坡都有限車，問題係要限幾多？大家要有個數。1年23萬架，道路增長只有1%，這是遲早的事，避免不了。
羅司唔明點解的士牌可以做遺產
羅立文表示完全同意的士牌不應用作投資工具，價高者得，政府也毋須靠此增加收入。他又對現時全澳約一半、650個早年批出的永久的士牌有另一套睇法：「的士牌可以做遺產，到我死，可以好似舊金咁俾我個仔、個孫？」
電訊市場開放左仲係又慢又貴
羅司：我作為消費者都有份投訴！未來會睇下係營運商定係電訊局既問題……
大廈樓上天線會否有輻射？
羅司：如果你問公司，公司肯定個個都話無輻射；你問市民，肯定人人都覺得有輻射。無人想係呢啲設施下面住。
電訊管理局代局長許志樑：如果拆走住宅上的天線，會影響該區訊號接收。輻射符合國際安全標準。
Wifi Go 點解唔可以24小時？
羅司：而家全澳有164個點，但旅遊區無一個係24小時。唔使錢啲人又會成晚聚係度，日日嘈，周圍啲居民又投訴。
