(網絡截圖)
在疫情陰霾籠罩下，不少人都面臨著沉重的生活壓力，自殺問題亦引起社會關注。僅僅是今個星期截至週四，本澳已出現四宗自殺個案。司警昨(21)晚發出警情通告指，近日網絡社交平台出現多個發洩負面情緒的帖文，內容除製造企圖自殺的假象外，更慫恿他人跟隨或附和，增加有情緒困擾人士的輕生念頭。司警又提配市民，上述行為已構成犯法，可被處最高一年徒刑，或科最高一百二十日罰金。
然而，司警此則警情通告引來網民強烈批評，有網民直言︰「有困不能解，有苦不准言，社會真系充滿一片和諧。」有網民認為政府不正視社會問題，反而用法律恐嚇市民不准抱怨；亦有網民表示，現時澳門市民正在疫下受苦，是否還要像上海官媒那樣載歌載舞才满意？亦有網民批評政府，為何不去正視問題，反而要去解決提出問題的人？有網民揶揄︰「澳門法網真係好完善，乜X都可以犯法」。
司警指出，《刑法典》第二百九十五條「濫用及虛構危險訊號」罪規定，濫用警報之信號或召喚、或求救之信號或召喚者，又或製造假象使人相信因出現禍事、危險或集體處於困厄之狀況而需要他人幫助者，處最高一年徒刑，或科最高一百二十日罰金。
(網民在傳媒報道的留言截圖)
部分網民留言︰
「係咪要好似上海咁，一邊啲市民受緊苦，另一邊電視台就抗疫晚會載歌載舞咁？幾離地先講得出咁嘅嘢？」
X
「係咪要好似上海咁，一邊啲市民受緊苦，另一邊電視台就抗疫晚會載歌載舞咁？幾離地先講得出咁嘅嘢？」
X
「而家已經差唔多每日一單 真係認為散播鼓吹係主要原因？點解正苦唔檢討下點樣解決失業問題？唔聽民意 做咩事都一意孤行？」
X
「唔諗下點解決！只識解決提問題嘅人！唔諗下點解咁多人要發洩？唔諗下點解咁多人有負面情緒？治安經濟衰過以前！不知所謂！」
X
「點解唔係社工局出安撫同呼籲珍惜生命既稿，而家倒轉頭用法律去惡返市民，我認為呢個處理方式唔係最合適。」
X
「叫人吾好散播負面，你依加散播緊嘅米最負面lo！有困不能解，有苦不准言，
社會真系充滿一片和諧。」
X
「唔去正視問題
而去解決提出問題既人？
即係你唔講我唔講
人地就唔會自殺
人地唔係山窮水盡會諗到去呢一步？
麻煩唔好再粉飾太平
唔係一張消費卡就可以將問題禁低」
X
「近期自殺的年齡層大部分都超過30歲以上，唔係心智未成熟的小學生中學生呀！！咁大個人，會因為網上放負貼而自殺？經濟環境差，一堆民生社會問題未得到有效處理，整個社會氣氛都處於低點！政府唔係去著手解決問題，而係用法律恐嚇手段叫市民唔準講唔準抱怨。
香港政府都識得拍下溫情廣告叫人去搵相關機構協助，叫人共渡時間，澳門政府就用恐嚇手段😒澳門果然與別不同」
X
社工局呼籲居民關心自己、家人及親友的情緒。如有需要，可致電澳門明愛生命熱線28525222，又或社會工作局電話輔導熱線28261126，尋求傾訴與所需協助。
