兩前局長涉貪工務局新領導如何挽聲譽?羅立文:有問題發生可惜但「唔好以為成班都係咁」

即時報道

文:記者小聚

時間:2022年04月1日 21:21

運輸工務司司長羅立文(中)及土地工務局局長黎永亮(左)以及副局長麥達堯在就職儀式受訪。

新成立的土地工務局今(1)日為局長黎永亮及副局長麥達堯舉行就職儀式。有傳媒關注工務範疇的廉潔問題、如何防止再有領導捲入貪腐案件。出席儀式的運輸工務司司長羅立文回應指,希望社會不要因為工務部門一兩單問題事件就標籤整個部門,「唔好因為一單(問題事件)、兩單或幾單,整到(讓社會認為)成個局都係咁樣,唔好以為成班都係咁」。

他又相信新的工務局領導會做好廉潔,但強調「沒有一個神仙辦法保證唔會再發生(問題),會儘量、盡力解決呢個問題」。

ad

土地工務局前身為土地工務運輸局,前土地工務運輸局局長李燦烽及賈利安被揭涉貪。目前李燦烽還押候審,而賈安利則身處外地。回應傳媒關注工務範疇如何做好廉潔,羅立文回應表示自己好難做到控制每一個人,「希望大家就係唔應該做就唔好做」。又指,自己不評論相關事件。

當傳媒向黎永亮問及日後領導層如何做好廉潔奉公的工作時,羅立文則「搶答」。「我頭先答咗,你哋(記者)唔滿意。容許我講⋯⋯我(前)工務局出身,1979年我喺度出身,我學嘅嘢都喺度學,唔好因為幾樣嘢(問題事件),就搞到好似全世界(認為)喺果度做工夫(嘅人)個個都好似有問題」。

羅立文又希望社會不要因為一單、兩單或幾單事件就標籤「成個局都係咁樣」。「我想好清楚話畀大家知,發生咗嘅事係唔應該發生,但唔好因為嗰件事認為個個都有問題。」他又呼籲社會各界應冷靜,「發生啲嘢,可惜⋯⋯唔好以為成班都係咁」。

羅立文又表示,自己「信得過」新任局長、副局長會儘量做好廉潔奉公工作,做好有關工作應是領導層的「 common sense」。

回應如何做好廉潔,黎永亮表示,自己會不斷提醒自己及同事,要盡忠職守、作為公務員廉潔是最重要、首要條件。「無論以前或將來的工作,都會與同事強調一定要秉持這個原則。」又稱,自己上任後會按步就班開展總體城規的各區詳細規劃,首先會做新城 A區詳細規劃。

另一副局位仍懸空 羅立文:仍在物色人選

另外,土地工務局設有 1名局長及 2名副局長,目前仍有 1名副局長懸空。羅立文表示,在這個範疇物色領導主管並不容易,「而家喺澳門搵人做局長、副局長、做主管起碼喺呢個(工務)範疇唔係簡單、亦唔係容易嘅嘢。每次有需要,我都盡量做好呢樣嘢」。他亦強調自己會依法物色人選,希望社會給予時間。

他又指,自己擔任司長 七年幾,平均每一年監誓兩個領導層就職儀式。「每一次搵人,涉及個人私事唔係簡單嘅嘢、唔係容易嘅嘢」。

問及現時工務局架構有所縮減或不需保留另一副局之位,羅立文回應稱,雖然工務局在重整後廳級部門總數目比過往減一個,但新增的機電廳是由零開始,工作亦比較多。