紅街市檔主高先生。
現年63歲的高先生在紅街市經營豬肉檔，他表示自己12歲入行至今，子承父業，在紅街市經營已超過50年，親歷紅街市甚或澳門街市的變遷。
他回憶起七八十年代紅街市的輝煌年代，一片繁盛景象。「當時祐漢街市未開，附近區分嘅市民都會來紅街市買餸…….唔係家家戶戶有雪櫃，所以早晚都會來買兩餐餸……對面好多工廠，一收工好多工友過來買餸……街市感覺係個好熱鬧嘅地方，車水馬龍，而家冇呢個形象。」他笑言，現今的街市更像是博物館，肅靜迴避。
競爭對手不止超市
私以為街市最大競爭對手是冷氣充足、沒有異味的超市，但高先生認為競爭不只是超市。他提到在澳葡年代，當時規定只有街市可設肉檔，但如今街市內外菜檔、肉檔如雨後春筍般不斷湧現，競爭大，僧多粥少。又指，上世紀七八十年代，澳門人口較現在少，但每日宰豬達三四百頭，但現時平均每日是兩百頭左右，這總數還是算上超市、肉食公司等的活豬，可得經營環境愈見困難。
他亦認為，菜檔、肉檔越開越多，政府監管也未必到位，「咁多檔口點樣查牌或檢查衛生環境？肉會唔會走私水貨返來？呢啲都有可能發生」。
他又引述外界對街市攤販的質疑，指出言過其實。他批評某些議員及社團常常標榜街市檔販免租及免水電費，令社會大眾都認為攤販們都好好賺。然而，全澳的小販及攤販都是免租的，而事實上街市內的每個攤檔都有獨立水電錶用以計算水電費，並非外界謠傳的免水電費。
紅街市現況
重整路遙 見步行步
街市現代化迫在眉睫，政府提出紅街市重整計劃，加設冷氣、升降機和無障礙設施，並強調重整後攤販數目不變。不過，原定2018年9月開始的紅街市重整計劃，由於當時市政署與文化局對紅街市內部結構物料未達成共識，有關工程擱置。市政署曾指，計劃重整時間需時約一年，街市內攤販須搬往臨時水上街市經營。幾年內，不斷傳出各部門間就工程有關問題無法達成共識的消息，重整計劃原地踏步。
行政法務司司長張永春今年5月受訪時表示，紅街市重整工作預計於明（2022年）年初啓動，屆時將安排市販遷往臨時水上街市繼續經營，並已就此與市販溝通。
談到政府的重整計劃，高先生難掩激動，他批評政府「朝令夕改」，政府對於紅街市根本無長遠計劃，而他們作為攤販也只能見步行步。「咁就過去幾年了，我哋點諗先得？費事傷腦筋，順其自然囉。有一日工開一日工就算數啦，唔好諗太長遠。根本冇計劃，唔係我哋冇，係政府冇，一時一樣，模棱兩可。」
紅街市菜檔
工程延期為澳門常態 事過境遷或無生意可做
「安排我哋搬走，但無人接手工程，陣間又話流標，我哋咪有排冇得返來？好似中央圖書館咁，有前車可鑒。希望真係揾到人投到標、落實，我哋搬走先會舒服啲。如果唔係，搬走咗，好似望廈體育館咁起10年，我哋咪死火？呢個喺澳門經常見到嘅情況，唔係講笑……紅街市拖多幾年，會點？」
高先生又提及即使完成重整也不意味新的開始，或只剩下事過境遷 。「紅街市而家都仲有人來買下餸，再裝修兩年之後，啲人習慣咗去超市或其他地方買，唔會再來街市買……有時啲嘢就係事過境遷。當時好繁榮又如何，已經係歷史。」
那還想不想紅街市改變呢？高先生沉默了一會兒，表示應該要有現代化，但是不是一定要全部攤販搬走，又或能否局部修整及完善呢？這是政府應思考的問題。
談及未來，他用「順其自然」帶過，認為自己也曾經歷過街市的輝煌時代。「我做咗幾十年，有得做就做，冇得做就退休，都咁上下啦。講實話，讀得書少，冇乜其他行業好做……以前做豬肉都叫做輝煌過。」
街市逐漸走向現代化，推廣電子支付。
街市現代化還需加強支援
現代社會，街市還有何價值？他表示街市的價值，對於年輕人和年長的人有所不同，街市的吸引之處或在於內裡的人情味和服務態度。「很多我哋呢一輩都好肯出來買餸，出來傾下偈……我哋（街市）人情味多啲，如果喺超市買嘢冇得斟酌，或者你做菜式需要乜嘢，我都可以提供意見。」
即使街市在政府推動下已逐步走向現代化，例如增加電子支付方式等，但高先生坦言政府相應支援不到位。他指出當局推動電子支付，但或因街市訊號不好，有時顧客付款要等待數分鐘，影響顧客體驗，希望當局改進。
又指，現在紅街市起碼還有周邊區域的捧場客，一旦搬遷，「邊個會同你去到咁遠坐巴士去買餸」。故他建議政府若真的要扶持攤販，開設專車由紅街市送居民至臨時街市買餸，讓攤販在重整期間可以生存，同時也可刺激臨時街市附近的人流。
