6月1日的持續暴雨除了造成澳門半島不少地水浸外，氹仔有地方出現水浸。
本月多次傾盆大雨，引致多地區包括下環、司打口、內港、新橋區、台山、青洲、望廈等水浸，甚至連氹仔亦有地方不能幸免。市民上班學生上學狼狽，商戶亦蒙受損失。當局多年解決水浸成效備受質疑，同時氣象局預報工作亦遭批評及質疑。回應傳媒多番問及對氣象局預報工作評價，運輸工務司司長羅立文今（29）日表示，以澳門現時設備難做到預告具體下雨的時間及準確的雨量。但其對該局的工作評價為「完全接受，我滿意……我覺得氣象局係做得啱、做得好」。他又形容部分市民對氣象局預報準確度的期望如同買六合彩「實中」般。
羅立文指出澳門現時是天氣預報，「預報係有可能發生，可能未必發生。因為是預報，或預啱預錯，預得啱咪發達、預錯咪俾人鬧囉。」
運輸工務司司長羅立文今日接受傳媒訪問。
回應記者問及氣象局準繩度遭受批評，羅亦文表示預報有困難。「但係而家你哋（記者及市民）要求氣象局樣嘢，即是（要）氣象局喺預報得咁好，（好到）差不多我買六合彩實中。」又指，即使有錢亦不能買到「乜嘢都知道」的機器。他強調現時沒有這樣的設備，氣象局的設備只能預測未來數小時的天氣情況，未可以準確到幾時會落雨或雨量，故需要判斷。「昨晚（昨凌晨）果場雨，我哋知會落，但會落幾多呢？我哋唔知；知道會有雨但不知道具體時間、亦難知雨量。」又稱，澳門面積小天氣情況易改變。「嗰舊雲喺嗰度，隨時吹一吹中咗澳門，吹一吹或中唔到澳門。」
羅立文又稱，澳門發佈暴雨和颱風訊息的方式與鄰近地區有很大分別，本澳採用「預報」，鄰近地區則以「實報」方式。他又希望大家思考未來澳門是否仍採用「預報」方式或改為「實報」。
如何解決水浸？羅司：澳門是舊城市「我唔係神仙，唔係講就可以解決問題」
本月的大雨令過往少現水浸的地方亦遭殃，問及如何解決水浸問題，羅立文即反問，「如果你（記者）問有冇一個方法解決水浸問題，我都好難答你，因為知道唔單止得澳門水浸。」又指，氣候變暖、極端天氣增加，據氣象局資料顯示近來的落雨次數比往多。然而「澳門嘅渠網無預咁多雨，（為）咁多雨量而準備⋯⋯（渠網）不是之前5年或10前造的……澳門係一個舊城市，我唔係神仙，唔係講就可以解決問題」。
羅立文又稱，處理去水的方法就是擴闊渠網，隨即又反問，「係唔係成個澳門（渠道）都開哂呢？渠網係一條路一條路咁駁，咁條條路（同時）開闊？」又指，擴闊渠網需要「唔短嘅」時間，「唔係話搞掂某一條街就完工」。
