環保學生聯會會長陳俊明表示，近年來澳門垃圾總的回收率似有所上升，或可能是垃圾量增加之故，而非真正回收率提高。他又批評政府在制定環保政策後知後覺，「唔踢都唔郁⋯⋯環保政策方面永遠都係落後一步，冇一樣嘢感到驕傲嘅」。但當這城市的垃圾多到無法處理時就乞求內地幫手，「幾咁被動、幾咁不負責任」。「我哋係垃圾生產者，都唔檢討垃圾生產嘅問題，我哋去乞求人哋（內地），睇吓人哋可唔可以幫手⋯⋯處理下。」
他認為，整個社會必須從源頭減廢，政府亦須考慮法規、政策配合包括垃圾分類立法以及對生活垃圾進行徵費。「（政府）你若講明呢五年之後立會立法分類或者強行生活垃圾要徵費，市民（會）有個意識準備」。
回收率上升？或因混淆
環保學生聯會會長陳俊明
陳俊明稱，過去幾年澳門的垃圾回收率似乎有所上升。若回收率只是計去年的回收量比前年升高了多少，是一個不科學的數字。「回收率係升緊⋯⋯可能係因為垃圾量多咗，唔係講緊整體回收嘅率提升。例如，我舊年100件垃圾，我回收10件，10%，第二年，15件回收左，係唔係高左5%？但係入左200件垃圾。」
他又指，近幾年淘寶、網購蔚藍成風，所產生的垃圾可以「災難」來形容。整體黎講，澳門產生的垃圾量增加了，「所以千祈唔好confused（混淆），回收率高咗⋯⋯因回收的總量多咗，基數大咗」。
陳俊明分析澳門回收困難有其原因，一來再買的成本低；二來倉存的成本高，難發展二手市場。他希望澳門做到源頭減廢，垃圾總量下降同時回收量上升；建議市民盡可能延長物品的使用時間，最簡單就是學習節約、自備袋、餐具；選擇購買少包裝的東西或使用可循環再用的物質。
澳門辦公室產生大量廢紙 雖高質但只能燒
在陳俊明看來，城市有大量由辦公室產生的廢紙，雖然質量高，但由於沒有「出路」變成再造紙故只能燒掉，造成浪費而且影響空氣，甚感可惜。「澳門嘅廢紙的質素係好靚㗎⋯⋯只係當垃圾嚟燒。澳門係冇好好地處理，就當左最低層嘅垃圾⋯⋯同啲紙皮擺埋一齊，回收到就回收，回收唔到都係燒。」
他認為利用廢紙生產再造紙在澳門可以商機，再造紙在內地及外國漸受歡迎。但澳門政府在方面的意識仍好薄弱，「（政府）好多時都買啲靚紙啊，仲係原生木材嗰啲紙張」，本地居民亦不太關心如何減少用紙。或成本太平，但若回收的話則「需要嗰啲人力資源、要儲存起、不如燒左算。」陳俊明亦認為二手傢俬市場面對同樣狀況，難以承擔經營成本，而且買新又不貴。
澳門無能力處理自己製造的垃圾
陳俊明指澳門的環保政策比其他地方落後十年。如香港建築廢料徵費已實施幾年，澳門今年先開始行；而且還在建築業高峰已過才實行，「最需要嘅時候佢（政府）唔立法，依家都冇乜大型嘅基建⋯⋯依家先來話收建築廢料，所以係後知後覺。」
內地近年來一直收緊可回收的資源垃圾的入口，很多澳門原可以入口內地的資源垃圾被拒。陳俊明表示，自從內地2018年開始閂閘澳門的回收行業「喊哂」，「閂（拒收）塑膠、紙，2019年、2020我哋喊曬，我哋嘅回收業啲嘢擺喺邊呀？咪見到荔枝碗一大堆垃圾囉。」
「澳門政府一直都冇要求大家減少垃圾，但係佢又自己做唔到（處理），唯有靠內地。依家內地閂閘，咁你就自己諗辦法啦。」又指，見到都是一個困局，但未見到一個解決辦法。
沒有引以為傲的環保政策
運輸工務司司長羅立文早前在立法會表示，今年無意立法強制垃圾分類。然而，台灣、上海等地都已實行強制立法分類。陳俊明指，台灣、新加坡等都已有垃圾分類的法例。一開始當地的市民一定投訴不方便，但慢慢就會適應。以台灣定時、定點收垃圾的措施為例證明市民可以適應。「澳門政府敢唔敢做？佢就唔敢啦，連諗都唔想諗，呢個就係我覺得好令人失望嘅地方。」他批評政府對此態度不夠明確，認為若無市民壓力，強制垃圾分類並非當局願意碰的事。
唔好賴遊客 「掩蓋左我哋應盡嘅責任」
不少本地人認為，大量旅客來澳或令本城垃圾總量上升。陳俊明則表示若以酒店的垃圾量為例，大約佔澳門總垃圾量三成，不能歸咎於遊客令澳門垃圾變多。當然，若有些旅客在街上扔垃圾則未能追蹤。
街邊的垃圾桶
陳俊明認為，更重要是身為主人家的澳門有沒有設立規矩，讓客人跟隨。「我覺得好多時候人嚟到你嘅城市，遵唔遵守你個規矩，係睇你冇呢個規矩，政府冇定規矩我點樣遵守啊？」如其台灣朋友想來澳都想實行垃圾分類，其他國家麥當勞或西餐店顧客食完之後要自己去分類。「呢度冇呢個文化⋯⋯政府有冇（製造）呢個氛圍？甚至用法規（去）罰款呢？」又以新加坡為例，為了使城市潔淨，「佢係所有嘢都要罰錢，香口膠連買都冇得買⋯⋯呢啲就係由政策開始令你減少垃圾」。
可能有些環保政策一開始會使市民不便，但若實施了，無論本地人或旅客會慢慢適應。「所以我覺得唔可以將呢個責任放喺遊客度，亦唔可以咁樣就掩蓋左我哋應盡嘅責任。」
