2021年度施政報告相關報道即時報道

政府雄心優先發展債券市場 議員提醒需謹慎

2021年度施政報告相關報道即時報道

文:記者小聚

時間:2020年11月27日 22:22

多名議員關注澳門金融業發展,經濟財政司司長李偉農回應表示,澳門要把握其同國內以及境外聯繫優勢,找到適合的定位。又指,政府會優先發展債券市場,未來的債券的市場會有把關機制避開「垃圾債」,保障澳門金融聲譽。資深間選議員張立群則潑冷水,期間甚至一度「爆粗」,提醒政府要謹慎,「唔好輕輕佻佻講下就做」但隨即呵番︰「司長你都好慘,個個都希望你做呢樣做個樣,你輪住黎為澳門市民真真正正做到一啲實際既嘢就已經好夠架啦。」

李偉農指出,目前金融業為第三澳門經濟經濟支撐,估計佔今年GDP的10%。金融業過去10年 發展每年以率18%增長,比博彩業8.6%增長得更快。「佔今年GDP可能過 10 %,未來比例係大嘅」。

李偉農認為澳門發展金融業應先找其與內地城市的相同及不同之處。相同是指如何同內地對接,不同則是指如何制用澳門制度上的優勢。「我哋市場係邊度大家要諗清楚,必然依靠國家呢個大市場;不同地方利用一國兩制,自由港、澳門與國際之間嘅渠道⋯⋯澳門要有自己特色,同時聯繫內地同境外。」他認同若澳門要發展金融業應先做有把握的項目而債券市場應係第一步。但又反問,「澳門若發展證券市場,市場係邊度?你同鄰近市場嘅關係在那里?」

有議員關注債券的風險管理以及發債公司倒閉,李偉農回應稱,未來澳門的債券市場會評級作為管理風險手段防止拉圾債券。「若內地來發債必須有指標,呢一個我哋仲係要把關嘅,若垃圾債係澳門發行嘅話,唔單止係違約嘅問題⋯⋯唔會讓呢啲債券係澳門落戶,要保障金融聲譽。」又承諾在法律方面做好配套保障投資者。「若無保障制度的話,你想人嚟都唔會嚟,人哋都睇番你本身嘅保障制度,安唔安全。」

李偉農又指發展金融業發展離不開人材,要有人材引入同時亦有需要本地培訓。又指政府考慮爭取在澳門舉辦部分與考取國際認證如債券期貨、金融分析、風險管理相關的備考課課程。

議員潑冷水叫政府有把握先做

聽完司長對金融業發展的「雄心壯志」,張立群忍不住潑冷水叫政府「有把握先好做,唔好輕輕佻佻,講下就做。」又舉例政府過往曾提推動發展鑽石珠寶業,講到興起時忍不住說漏嘴爆粗。「好似做鑽石咁,我哋澳門有幾多間鑽石廠啊?你搵周大福做咗出黎啦,南非有礦場,X你!乜都有,有設計係順德有廠,我哋澳門乜Q都冇(全場議員大笑)。」但張立群隨即又稱:「司長你都好慘,個個都希望你做呢樣做個樣,你輪住嚟為澳門市民真真正正做到一啲實際既嘢就已經好夠架啦。」