久未見傳媒的行政長官崔世安今日召開記者會，宣佈已致函立法會，要求刪除8月7日立法會全體會議的2項議程，包括一般性討論及表決俗稱「600億基金」法案的修改《2019年財政年度財政預算》法案，以及一般性討論及表決修改《打擊電腦犯罪法》法案。直選議員蘇嘉豪回應時要求政府清晰交代，究竟政府只是要求立法會刪除議程，還是正式地「撤回」法案？「如果只係刪除議程，代表法案仍然放係立法會，咁嘅做法好似當咗立法會係酒店，鐘意嚟就嚟，鐘意走就走，係議員嘅立場，呢個唔係恰當嘅做法。」
蘇嘉豪亦批評，今次事件突顯出政府「未諗清楚」就將法案送交立法會，而「600億基金」法案所牽涉的鉅額撥款也是使無前例的，「如果政府至今仍然認為只要立法會數夠票，交啲乜嘢垃圾嚟都可以通過嘅話，我相信政府呢種想法係絕對錯誤嘅，因為市民已經蘊釀緊好多嘅不滿，我希望政府可以盡快表明撤回呢個法案，先係最合適做法。」
他強調，現在政府的當務之急並非單就一間公司作公開諮詢，而是應兌現政府的承諾，專門立法監管公共資本企業，「有立法監管的話，再慢慢傾究竟應該成立乜嘢基金公司，先係適合嘅程序。
修改《打擊電腦犯罪法》法案的議程今次亦同告刪除，而2個法案事前都沒有經過公開諮詢就直上大會。蘇嘉豪呼籲：「政府唔好認為公開諮詢無用，呢個係一個同市民溝通對話嘅好機會，經過公開諮詢，其實有好多嘢都可以同市民解釋清楚。」他又指，自己不太相信修改《打擊電腦犯罪法》法案只是與官員不在澳有關，當中涉及到雲端資料的強制提取，民意有很大的反彈，認為政府不排除感受到這些民意，期望可以稍緩，但他不認為此法案是撤回，有機會會在立法會10月中復會後再行處理。
