【施政辯論】立法會經濟財政範疇施政辯論兩日來有不少勞工界議員談及有關《勞動關係法》修法的問題，而本身是商界的間選議員陳澤武表示，《勞動關係法》七項優先申請已討論一年多，「社會有無共識？百分之一百梗係無啦。但我以為有呢啲會（社協），大家一定係四四六六傾掂佢，原來出嚟唔係嘅，一定要九九十十，立場好鮮明，唔係就唔好傾。如果係咁嘅態度去談判的話，咁不如取消社協，由政府主導咪得，全部你話事咪得？反正都係迫政府，啱聽嘅就聽，唔啱聽嘅，有乜行動我都唔知道。」
陳澤武認為產假由56日增至70日做法合理、應該，而香港現在的70日產假其實就等於本澳的56日，因為70日產假是「畀足」薪酬，而香港則是給予8成薪酬，而現在香港政府則建議產假付足全薪，由政府補貼差額。認為本澳亦應仿效相關做法，不要「一人畀一半」，延長過渡期，這對政府來說沒有太大問題，而資方亦「有啲揸拿」。
他亦提到非全職工作制度的立法問題，指勞動關係法表明非全職工作制度由特別法訂定，「點解制訂勞工法時，商界無出聲？因為舊陣時係有非全職制度，勞工法通過後就取消非全職制度，因為你係法律講會有特別法。以前係每4星期連續工作不多於96小時當非全職。」而十年過去，商界對於當局去年提出的非全職工作制度的內容感到不滿意，尤其是由96小時減至72小時，即每日3小時。他認為，這對會展、餐飲、零售、建築等行業都沒有好處，因相關工種有淡旺季，符合不了商界正式的要求。希望當局給予一個商界接受的方案。
