政府早前突然宣佈修改《集會權及示威權法》，日後改告知治安警而毋須再找民署，惹起收緊集會示威的疑慮。時事評論員黃東對修法感到悲觀，他指，警權不斷擴大，民間監督力量不足，公民權利肯定受損。自從反離補運動之後，政府一直加強打壓異見聲音，他擔心，日後由保安司主導修改《集會權及示威權法》，可能會出現申請制度。「依家係賊佬試沙煲，一步一步行，佢(政府)唔會話你知最終目標係乜。但民間估既嘢好少錯，呢樣先慘。好既唔靈，醜既靈，百分之九十都中，咁唔難得民間過度揣測。」
黃東表示，澳門一直存在警權過大的問題，保安部門的問題很隱蔽，「大部分的問題亦都不會話俾你知，民間監督力量不足，傳媒又處於弱勢，咁點樣去監督呢？佢唔肯放手俾你去監督，呢個係權力的黑洞，係黑洞中既黑洞，權力再不斷擴大，佢鐘意做乜就做乜。」
他擔憂，日後涉及政治議題，又或在敏感時間要發起遊行或集會就更加困難。「日後好難再有類似反離補『光輝五月』的情況出現，以後申請的難度可能會好高，因為人數多，規模大，場地人力資源等等，用各種藉口解釋打壓，大家要從未來出發考慮問題。俾咗個權力警方，等於損害緊自己的權利。依家可能不會觸及自己的利益，或者大部分人都不會上街，但係唔知幾時會衝擊到自己權益，你需要向警方申請的時候，你能保證到能夠順利申請嗎？以後需要一個月或半年之前申請，你就知道個權力有幾大。」
