政府有意實施「以冰鮮禽取代活禽」政策，但引起社會不少爭議。來自醫務界的間選議員陳亦立支持有關政策，他說︰「呢啲咁既人一年到尾都係到劏雞，剪雞腸，見雞腸就見好多啦，但講同識就唔多，咁點轉型呢？」他建議政府為避免影響200多名從業員生計，應贖回牌照，「1,000萬，500萬咁樣贖返佢，等佢地日後都有個生計，200多人，計落都係100個檔口，其實唔係多啊！」
陳亦立又指出，今年2月及6月，本澳先後兩次於街市家禽零售攤檔的環境樣本中驗出H7亞型禽流感病毒，需要採取殺雞和禁售措施。「大半年搞兩次，遲啲三個月搞一次，跟住一個月又搞一次，搞搞下真係搞到啲劏雞既人都變到無曬興趣。咁既情況下真係唔想轉型都唔得啦。」
議員施家倫質疑為何澳門不能實行中央屠宰，他認為有內地和澳門兩邊的雙重檢疫，大規模爆發禽流感風險較低，又質疑人禽隔絕是否可以做到零風險。議員麥瑞權亦表示，自己的團隊訪問過市民和雞販，大家都反對一刀切政策。議員黃潔貞質疑政府早前就有關政策開展的諮詢有混水摸魚之嫌，認為結果不可靠，政府不應急於推行政策，需要重做諮詢。
民署管委會副主席李偉農表示，中央屠宰要考慮安全問題，認為一日有活雞的存在都會有爆發疫情的風險。而且，中央屠宰場需要較高成本，而澳門每日對活禽的需求量只有8,000至9,000隻，社會要考慮是否值得。他又說，之前的諮詢報告顯示，市民食用習慣偏重活禽，認為是基於對政府檢疫的信心。「但我哋既風險唔係最低，今年2月和6月都出現殺雞事件，唔知幾時會在社區爆發，人禽分離是最有效的方法。」
