有船廠負責人表示，並非他們不想維護船廠，而是政府諸多規定令人無所適從。
政府上月底以重大安全風險為由，圍封了路環荔枝碗十一間舊船廠。又指曾多次要求各地段佔用人盡快維修但無人理會，以致建築物殘破不堪，甚至有大面積倒塌的危險。現時上述地段臨時佔用准照(俗稱︰水位紙)有效期已屆滿，計劃不續期收廠。有上述地段佔用人反駁政府誤導公眾，「將全部責任都賴曬我哋，令到外界誤以為係我哋唔理任佢爛。」木材廠負責人陳錦波表示︰「政府一路都話我哋唔去維修，到我哋話要大面積維修，佢就要圍封，到底政府想點？依家政府好似整個氹出黎，慢慢引我哋踩落去咁。」
陳錦波表示，水位紙每年都需要續期，政府一般驗完廠後就會批出，並發出信涵要求佔用人對有關地段進行維護。然而，大規模的維護需要經過文化局、旅遊局、工務局、海事及水務局等多個部門層層審批，而且規定只能用指定的材料，例如政府規定支柱不能用鋼鐵支撐，只能用原來的大型木柱，而但現時已經難以找到，即使佔用人想要維護亦有心無力。
左︰勝利船廠負責人談錦全 右︰木材廠負責人陳錦波
另外，隨著蓮花大橋和澳大橫琴校區相繼落成後，令船廠區對開的河床水位變淺了很多，「做隻大啲既船都出唔到海，需要維修的船又入唔到黎。」勝利船廠負責人談錦全表示，現時已經有十年沒有造過新船，但政府一直不讓他們轉型，只能造船。「政府唔俾我哋營運，我哋去邊到搵資金維修？成日講話扶助中小企，個啲口號講就好聽啊，但根本就無同我哋傾過點樣協助我哋。」談錦全現時積極將造船手藝轉向模型船方向發展，希望即將沒落的造船文化能夠承傳下來。
由於水位紙每年都要續期，但各個廠房負責人都不知道政府今後有什麼計劃， 陳錦波說︰「今年續咗，出年係點都唔知。變咗我哋既心態就係，依家無生意做，大家都唔敢投資落去。」只能任由廠房荒廢。雖然政府有要求地段負責人維修廠房，但一直都沒有強制執行就批出「水位紙」，各地段負責人都只是自行小修小補，一路都相安無事。「係今年咁奇怪，一路都窒住窒住唔出水位紙俾我哋，亦都無解釋。」
船廠區對開水位太淺，令船隻既不能出去，亦不能進來。
陳錦波說，政府五月底時突然就要將十一間廠房圍封，並一直聲稱有倒塌危險，「但到依家已經半個幾月，又有颱風又有落咗幾場大雨都無事，點解會話有倒塌危險？而且，如果政府真係想保留船廠，係咪應該第一時間去維修呢？」事實上，六合船廠四月底出現爆柱情況時，各個負責人都有按政府要求進行加固，而且亦願意對所有建築進行維護，但向當局入信申請後一直沒有回覆，「5月尾就話我哋全部都有危險，唔俾我哋維修要封廠不再發水位紙。」
有傳政府打算將所有船廠先行拆卸再另謀發展。陳錦波說︰「好擔心政府收返曬就全部拆曬佢，如果用來保育造船業的歷史，我哋好樂意支持配合，但如果借啲意收返曬啲地，攞黎俾發展商起豪宅的話，我哋一定反對！」現時政府正對有關地段開展水位紙不予續期的書面聽證程序，陳錦波表示，當局上週五終於肯接見他們，但對於他們的疑慮，相關官員亦未能作出清晰交代，只稱︰「無辦法，上邊話咗水位有問題。」陳錦波表示，已經做好準備隨時與政府打官司。
