政府代表向立法會議員介紹「五年發展規劃」草案。間選議員張立群發言時先讚賞草案文本「寫得認真好，有復古之思」，但部份篇章內容又多又概括，「你唔詳細睇，根本唔知講乜！」他說，莫講話五年規劃，連三日後的事情都難以預料。希望政府的「五年規劃」不要讓市民有太大寄望，「你成日啲俾遠景人地咁好，但自己又做唔到！」
張立群認為，澳門現時最重要的不是興建公屋，或者經濟多元化發展，而是要搞好公民教育。「現在年青人咁反思，就係因為無咗公民教育！《弟子規》都幾乎無人識讀！啲人成日問政府攞錢，攞間屋，係我哋四十年前，無人會問攞間屋架！係問自己幾時有能力攞間屋架啫！」
他又說澳門人生活好幸福，特別有社文司長譚俊榮的光輝五年醫療建設，「你想唔病都難，搵位有大把！」但政府的公屋政策最失敗，「起咁多單位黎做乜？根本係浪費公帑！」他指，澳門現時有60多萬人口，2020年有70萬，但房屋單位合共有19萬，以3人一個單位計算的話，公屋需求量根本不大。「日日講話四、五萬人無地方住，你信唔信啊？點解你哋唔確實睇下啲公屋買咗無人住架呢？」
張立群續說，如果是有能力的國家或者地區，「特別係祖國既建築業咁發達，起個島(填海新城)兩三年，五年後已經有屋住，啲人根本就唔需要擔心土地儲備的問題，如果你哋去諗呢啲嘢係好戇居！」
