Design：Candy L.
【鏡頭背後】新城總體規劃一大堆疑問，最新一輪諮詢被民間批評「資料最少、方案最差」。負責硬銷的工務局代副局長張潤民例牌回應：唔講、唔知、唔清楚、唔關我事、未有資料，對提問選擇性作答，以為可以就咁過骨。有時間同商會食飯，無時間開公聽會，擺明捱過40日就算；以為擺內地城規專家上檯做擋箭牌，點知專家唔賣帳，力撐主教山景觀要保。
如意算盤打不響，激嬲專家，第二場公聽會張潤民惟有硬著頭皮，自己赤膊上陣，唔再敢樣樣都推俾專家回應。但見民情洶湧，上周六不但便衣警員悄悄駐場，更請來前香港新聞主播、現在開公關公司的李燦榮教路，但一個黑心諮詢，就算有再高明的政治化妝也難平息民怨。
