【政府錢真好賺】審計署早前揭發氹仔中央公園一盤爛帳，倒左4億落鹹水海，結果設計、用料有問題，設施唔合規格暗藏安全危機，仲要再俾多4千幾萬執手尾，工務局、建設辦又係無人要負責，受到多位議員連環砲轟。運輸工務司司長羅立文認為，公共工程超時嚴重，反而超支問題不大。若發現監理公司不履行義務，會按合同處罰，甚至解除合同。但早前法庭有判例，指扣分制及黑名單制度可能不合法，議員建議難以推行。
羅立文解釋，公共工程超時比超支問題大，全因政府人手不足，每個工程師及則師需跟進多個工程。建設辦由主任至司機只有79人，需要處理40多個工程，8至9成地盤難派員直接監察，「無可能保證個個工程都無問題。」
至於中央公園這筆爛帳，羅立文表示，工務局正檢討與用家部門的協調過程及招標制度。又指中央公園首次檢驗後也發現多處缺陷，大部分已修補，但「忘了」製作筆錄，才令審計署誤以為有咁多問題。倘發現工程及監理單位有貪污或行政違法行為，會移送廉署處理。
