新福利職工會今日在報紙刊登半版嚴正聲明，指再有巴士司機被打傷，這已是今年第9宗。新福利董事總經理陳曉陽表示，翻查錄影帶，19號凌晨一名男乘客忘記下車，過了站後認為司機沒有停站，突然向司機潑有酒精氣味的飲品，兩人下車後，司機突然被男乘客揮拳打臉，驗傷後證實鼻樑移位，事件已經報警處理。
陳曉陽指，現時繁忙時段起碼要增加兩成巴士班次，推廣彈性上班時間，才能舒緩路面壓力。但現行制度下，巴士路線、班次、發車頻率、車型都是按政府要求編排，巴士公司不能自行增加班次，司機人手又不足，公交超負荷、市民搭車難每日都不斷惡性循環。
「喊打喊殺嘅又有，問候老母既又有，你敢駁嘴又第一時間屈你，話你服務態度唔好，我地遇到呢啲情況，通常都係唔開聲，忍！我地黎打工，唔係黎俾你出氣架，啱唔啱先？」任職巴士司機廿多年的羅先生直言，部分乘客將怒火發洩在車長、站長身上，令前線員工相當無奈。他認為，現時的「死局」是因為政府沒有完善的公交規劃造成。
任職站長二十年的楊先生認為，澳門人多車多，路面壓力大，人流不斷上升，但上下班時間及節假日發車數量仍遠遠未夠，「要應付本地人已經唔容易，仲有廿萬外勞，佢地全部都係搭巴士，交通壓力真係好大。」他又表示，自七月開始，關閘地下巴士總站增加了大量旅遊巴出入，「每日有400部旅遊巴係到上落客，塞到死曬，巴士埋到黎，完全郁唔到！」
對於整體巴士服務，市民多抱怨高峰期根本「上唔到車」，要改善發車頻率「一係等廿分鐘都無，一係幾架一齊來」。
楊生說「有時半個鐘一班，有時一個鐘一班，停係到又唔接客，都唔知搞咩？」黃女士亦表示，經常發現有巴士司機「飛站」，「有時唔係好滿都飛站，等成大半個鐘，甚至差唔多成個鐘都等唔到車。」她認為，大部分巴士司機態度都比較好，但也曾遇過個別惡劣的情況，「不過都忍下、等下啦！」
