即時報道
即時資訊、特別報道、即時評論。

九成受訪市民不信任? 安安:唔評論!

即時報道

文:論盡採訪組

時間:2014年09月3日 13:13

特首崔世安今早參與「抗日戰爭勝利紀念日」活動

特首崔世安今早參與「抗日戰爭勝利紀念日」活動

【第一現場】經過「反離補」一役,崔世安尋求連任仲口口聲聲話會繼續推呢個法案,咁都攞到380高票連任,安安認真飲得杯落!不過,聽民意就要聽真啲,「民間公投」8868人當中,有近九成市民對安安投下不信任票,比380多出大拿拿20倍。

今日安安出席完「抗日戰爭勝利紀念日」活動後被傳媒追問,他起初無回應,保鑣一邊推開記者邊開路:崔生今日不回應問題,你行後啲讓番條路!現場兵荒馬亂,一班記者又要打「木人巷」,期間有行家的錄音筆跌係地下,崔世安見狀先肯停步講兩句,重申:「民間公投違反《基本法》,無法律效力,我唔會就事件同延伸嘅事作出評論」。傳媒再追問新五司人選及運輸工務司司長劉仕堯會否留任…… 崔世安頭也不回,唔肯再開金口,係保鑣護送下絕塵而去。

有行家就話:安安琴日答一句,今日講夠三句,已經算有「進步」。