Paul：根本都冇解決到，只系多個借口送大禮，送完「老婆」送「二奶」，送完「二奶」送「妹仔」……
關先生：真搞笑；老闆俾錢！伙計話事！天大笑話！
Benny：舊樓有線係唔到的，俾錢都無得睇，但又唔俾其他公天轉播，解決了什麼？
鄺先生：好想問一問，市民係唔係唔使再俾天線費呢？
陳先生：遊行到有線門口抗議班ＸＸ剷！
戴先生：一句講晒，「揾Ｘ笨」。
高先生：無天理，無人性！
阿螢：我覺得，他們不開放大氣電波，那我們自己架設備去接收吧，甚至應該我們自己去由大氣電波發送消息。未有人類之前就有大氣電波了，到底誰有權力去「管理」這東西？？現在簽合約的是政府、公天、有線，他們為什麼不去叫每一個澳門人去簽合同？？都不是我簽的東西，那我就不需要去遵守。
Robo：我吾想交稅比依個咁既政府！
法蘭度：你們講得好。魚骨天線邊度有得買呢？可能要返大陸D落後地方，萬一安裝不好打十號波跌落街，咪死得人多？
柯先生：民生無小事，上面班奸商統治者玩大左啦，連阿爺的台都夠膽cut。
PO：澳門人A話，睇有線嘛，睇有線囉，家吓我俾唔起咩… 澳門人B話，鬼叫自己鍾意睇波咩。無幾耐以後會定時定候，見到荷蘭園有條長龍交錢的了。
李先生：澳廣視D頻道都睇唔晒，無天理！！！
駱先生：叫我地用返魚骨天線？不如叫佢用返水壺傾電話！
黃小姐：痴綫，去返60年代，電信局失禮及映衰澳門。
黃先生：浪費市民那麼多錢資助澳廣視，現在叫我們用魚骨睇波？？澳門電訊管理局是落後成這樣嗎？下台吧。
從事電腦科技界曹先生：政府無能，為甚麼有缐公司可以專營？！
醫療界楊先生：對我來講，無乜所謂因為家中沒天缐；從新聞知一點，但肥安及其黨羽拿政府錢（我有交稅、飲貴鴛鴦）去埋單，法律有咁大漏洞，小巿民如我，唔識點睇！呢件事講明澳門政府好烚，有公司、社團，可以盡力，努力去揸政府錢，但小企如我，只能交貴租或倒閉。
公務員姚小姐：我地慣左唔俾錢，其實要睇非本地電視世界各地都要俾銭，只有澳門咁開心唔洗俾；之前公天提供免費電視，我地慣左。家陣政府怕比人鬧，就用公帑俾左；但企喺用家角度，我會同大多數市民一樣鬧政府，唔應該俾專營權有線，等公天繼續偷鄰埠訊號，繼續比免費電視我地睇。政府不應該俾三百八十萬澳門幣，應該由得有缐同公天自己傾掂佢，雖然我覺得自己野蠻，但我個心希望明年四月政府應該取消尃營權，由市場主導返，咁政府咪唔洗俾銭，我地俾天線費就可以睇返曬咁多個台囉。其實有缐咁耐以黎都做唔到覆蓋全澳訊號，其實係咪違反左合約要求，所以要借助公天去發訊號先夠覆蓋率？所以家陣政府俾電視費補償有缐，但所有嘅錯都係因為政府俾專營權有缐搞出嚟嘅，所以政府係抵鬧的，應該繼續由公天播，我地俾雞碎咁多天缐費咪皆大歡喜囉。
教育界梁小姐：自己少看電視，不太了解有線及公天之間的事。但收到嘅台都係越黎越少喎，淨係知阿爸阿媽想睇電視；有日突然睇開嘅台都無得睇，老豆就好火咁話，再落去連天線都停埋唔用，反正又唔係淨係可以靠電視收資訊；但我老豆同阿媽會覺得，如果乜都無得睇，會索性唔再睇電視了，唔交天線費了，反正其他途徑可以攞到資訊。
公務員沈先生：雖然不滿意，頻道減少了。特別是澳視高清及澳視體育，竟然都無得睇！至於其他頻道沒了，其實都屬正常，因為本身的確涉及侵權收看，不能因為一路食免費餐，而家無得食就認為蝕咗。
家庭主婦方太：無澳視體育！有D可惜！得閒都會睇下！其它無感覺！很少睇！
家庭主婦吳太：自己不太看電視，協議可以接受。用者自負，想睇多D，比多錢有得睇囉。
待業中的曾生生：澳視高清澳視體育係政府俾錢，有咩理由澳門人要再俾錢先有得睇，要抗議！
公務員梁小姐：我覺得整件事件，收看的觀眾反成各方開價的籌碼。沒有時間看電視，針仲未拮到肉。可是，對於已退休的兩老，電視已成為他們生活不可或缺的一部份，cut左三分之二頻道，刪除了很多大陸電視台，足以令他們整天憂心忡忡。看來，自己竪支魚骨吧，不然，就只能肉俎砧板上。
廖小姐：有線都無野睇架喎，除了睇波之外；澳門政府唔係好有錢架咩？點解睇波都要靠私營公司？無諮詢無知會，平時只是老公睇波睇有線，其他節目重播又重播，安裝黎做咩？
李先生：乜都壟斷晒！得返咁少台，剝削我地資訊權，我本身唔睇波既，對我影響不大，但我都想睇其他台！380萬入場費，利益輸送有乜分別？出年都到期，政府自己發射吧！我地小市民有乜辦法？很無奈。
李先生：我睇開澳視體育，慘！不合理，我地睇開澳視，點解要私有化？有咩辦法可以投訴佢架？我絕對唔會安裝有線，杯葛佢！如果一些一向要付費的頻道，收費合理，但一向睇開澳視體育唔駛錢，做咩要我裝有線才睇到？非常浪費公帑。原先不用裝甚麼，你叫我裝魚骨？唔駛諗，嘈爆佢。
周先生：利益輸送！政府俾千幾萬俾人，市民又無電視睇，為何不公開招標？你給予自己有關係的人經營，對市民資訊權有阻礙。有線我一向唔睇，收費太貴，公天都係幾十蚊，現在資訊又發達，唔駛一定睇有線。我又唔睇波，我睇日文頻道的！我要睇卡通片，都上網睇。
吳國昌：最大問題是習非成是，毫無忌諱的官商勾結利益輸送。政府本應乘有線專營在2014年四月結束之前，籌備好行政法規迎接新的電視訊號傳播新模式，把政府在2014年四月接收的原有有線傅播網資產，及經營電視訊號傳播的特許權(由專營轉為多元特許)預先拿出來公開競投。而現在的處理卻是延續政府在CTM專營完結後，卻仍專由CTM管理原龐大固網的利益輸送局面，延誤市場開放。
仇國平：處理差勁，純黑箱作業，對社會及立法會聲音完全忽略。導致如今咁大爭議，雖以避免訴訟為由，但急功兼就章，各方不討好，簡直四輸（公天，有線，公眾，政府）；其實先贖回專營權本來就不值多少錢，政府接手再處理電視分配即可解決，所謂侵權問題，只要澳門法律沒有將其定為公罪，版權持有方一日不提出起訴，政府根本無責任！現在攪到TDM似製作公司多過公營廣播公司，只能轉買頻道。成件事又無公眾參與，完全講唔通。
高天賜：本人意見好簡單，不要將多年特區政府複雜左的事情搞到一踏糊塗，應做是立刻全面開放化，將有線合約拿出來立刻競投，由政府開放市場，長痛不如短痛。
難道澳門人真的要回到「魚骨天線」的年代
