「高官離任補償」法案備受社會狠批為「高官自肥」，然而，該法案若通過後，哪個高官會是「最肥」呢？直選議員吳國昌指出，「客觀效果佢(特首崔世安)攞最大筆財富」，因為崔世安做特首之前，亦做了十年司長，按該法案規定，崔世安可得一次性的六百多萬的離任補償。另外，當崔世安當不做特首的時候，還可領取每月約18萬9千元(以其離任時月薪七成；另外，每年如果公務員加薪亦可按其幅度調升)的「長俸」，直至離世。
吳國昌說︰「為了維護政府領導層的威信，一定要當機立斷，我唔理你係陰謀又好，想攞錢又好，又或者想客觀建立體制也好，客觀效果是崔世安攞最大筆……差唔多變成咗喺度身訂造。」
吳國昌認為，建制派手握足夠的票數，若果政府要強行通過該法案，「挾硬過都得」。「但問題在於，過咗今次，係咪以後既管治就唔理？政府的領導層到底係邊班人掌握住？你自己掌握住呢個領導層，將來的日子都唔理的話，咁就無得好講。」他認為，最理想的情況就是叫停，公開諮詢。
新澳門學社兩日內共收集到二千多個簽名，要求撤回《候任、現任及離任行政長官及主要官員的保障制度》法案。吳國昌稱，好多市民都覺得該法案十分不合理，官員過於貪心。「琴日好多直情落車黎簽，隔咗成條馬路見到都特登過黎簽」。他表示，簽名活動將一直進行下去，「除非政府收手，我地都收手。」
