九澳的污染問題，不是今時今日才發生。當地居民都疑似因污染的問題，普遍患上不同程度的疾病，更有九澳居民形容自己所生活的地方是「癌症村」。傳媒一直以來都有持續報道九澳的實況，但政府當局一拖再拖，直到今日特首出巡，耍一場「大龍鳳」後，才公佈「整治方案」。政府是否需要對九澳居民長期以來的困擾說一聲「對不起」呢？
特首崔世安聞聲，即時閉口遁走，一眾新聞官及「G4」馬上護駕，一邊「唔該曬」，一邊阻攔一眾記者追訪特首。政府召開記者會時，亦被問到︰「政府點解唔同居民道歉？」
行政長官辦公室主任譚俊榮「愛主心切」，即時「射波」環保局︰「政府有專責部門負責澳門環境保護工作，呢個就係環保局。行政長官無可能全部事情都親自去做，佢日理萬機，呢個係由主管部門負責，如果唔係要呢啲部門做咩？啱唔岩？」
那麽這聲「對不起」是否就要由環保局局長說出呢？環保局局長張紹基一於向特首學習，「唔講呢啲」！他說︰「我哋依家更加關心，盡快落實各項有關措施，而使到居民感受到環境的改變。呢個反而係我地更加關心呢方面的工作。所以後續的情況不會越來越差，只會越來越好。」
