位於營地大街（又稱：澳門大街橋仔頭）121號的百年中藥老店「杏和堂」在2017年1月結業。當年藥舖的中藥工具如藥碾、秤、百子櫃等幾十件物品在新口岸觀音蓮花苑地下展示，繼續訴說老店的故事。
出席昨（1）展覧開幕式的前店主梁太劉潔梅直言，「嗰心而家都唔舒服，唔舒服㗎⋯⋯但無辦法，間屋始終係人哋，人哋唔想租俾你。」她亦表示自己年邁，是時候退休，「而且年齡都大囉。算啦算啦，咁咪俾番佢囉，咁咪結束咗。」但梁太仍退而不休，傾囊相授「執藥」心得，認為「本住良心」是從事中藥之基本。
梁太亦很感恩有團體肯接受店裡的物件並予以保管及維修，藉展出公眾可以看見舊時中藥店的用品的手工、實用性。藥店將近100年，店內物品的「年紀」幾乎同舖頭一樣大。「我哋（物品）全部手工做嘅，睇番我哋中國人以前嘅智慧。」同時，讓後人知道傳統中藥店結構以及其精緻一面。
先人開藥材舖為後人護蔭
梁太的先生梁定興是藥店的第四代傳人。回憶起梁太爺當年創立舖頭的心願，梁太指，先生的阿爺希望子侄日後可以在澳門有地方落腳再謀發展。「舊時環境唔好，先生的阿爺嚟咗澳門開間藥材舖。佢係新興人，新興環境差，很多人無出路，後生仔個個耕田，希望帶子侄去出邊闖，於是喺澳門開間藥材舖，等啲子侄嚟到可以有個落腳地。」
前「杏和堂」經營者梁定興及太太劉潔梅
過往中藥用具訴說著百年藥店故事
「杏和堂」是澳門第一間政府註冊的中藥店，今次展品中有政府於1953年發出的牌照。當時對於藥店結業，梁生梁太感不捨與無奈，但百年老店亦難敵業主收回物業另謀出路。始終不捨的還有珍貴的中藥用具及物件，即使有人曾出高價收購，梁生梁太都未想過出售。
為了讓「杏和堂」的故事延續下去，梁氏家族把「杏和堂」店內保存上百件歷史物品捐贈給遺產學會。梁太直言：「有人幫我哋保存、維修，真係好感恩。」
梁太坦言，即使自己和先生珍而重之的東西都未必有代代有後人珍借並保存。「若我哋呢一代收，咁下一代收唔收呢？再下下代收唔收呢？終有一日都係放棄。只不過你自己覺得係寶，後代可能覺得係爛材，爛櫃桶、爛樽。」因而非常感恩遺產學會。她又指，「很多嘢都未show哂出嚟，只係show咗少少嘢咋」期望有另一次展覽，讓大家更多認識傳統中藥店。
梁太：憑良心「執藥」 藥不能亂搞
雖然「杏和堂」結束，但梁太的「執藥」工作仍在繼續。梁太在經營藥店時已取得中藥士資格，目前在澳門中醫生公會教人如何執中藥。她指，「有人想學，咁大家研究下。我後期有去讀中藥課程，政府規定要有中藥士嘅名先可以執藥，後期我咪去讀囉，變咗假假哋都有個牌。」 梁太又指，執中藥不能「求其」，必須有專業人士又必須「本住良心」。「藥呢，唔係話買樽汽水番嚟就OK，藥係醫病嘅，藥要講地道，藥性好唔好。若唔係地道，性質已唔同咗，如南北沙參都叫沙參，但分南北作用已不同。」
總結過往做中藥的經歷，梁太講得最多就是「良心」。「做中藥嘅人都要本住良心，唔係為咗賺錢。因為病人好陰公，又辛苦，又要俾錢，但俾咗嘅藥係醫唔到嘅，你話幾慘呀！」梁太稱，就算病人不知道藥煲得好不好，作為他們還是要「過得到自己嘅良心」。她更強調，「對得人住對得自己住」，不應該為了暴利、賺錢做錯的事，「很多嘢可以亂做，但藥不能亂搞。」
梁太認為，面對高昂的租金以及中藥成本日漸增加，再加上中藥應用比西藥麻煩，傳統中藥現時和未來的經營都不容易，這也會有礙中藥的普及。「以中藥為例，澳門舖租咁貴，中藥的來源亦都貴，每次看中醫生，起碼一百診金一百藥費，共二百元，以目前的環境，一個人一份工，睇感冒就無問題，時間短，若長期病呢？」她又稱，中藥的傳承也是棘手問題，「執藥、煲藥係幾麻煩嘅事，中藥唔係唔承傳到落去，但環境逼成你，點樣承傳呢？」
